ପ୍ୟାରିସ ଅଲିମ୍ପିକ୍ସକୁ ଆଉ ୨୧ ଦିନ, ଆସିଲା ଆଥ୍ଲେଟ ତାଲିକା
ଚଳିତ ମାସ ୨୬ ତାରିଖରୁ ପ୍ୟାରିସରେ ଆରମ୍ଭ ହେବାକୁ ଯାଉଛି ଅଲିମ୍ପିକ୍ସ। ଏଥିରେ ଅଂଶଗ୍ରହଣ କରିବେ ଭାରତର ୨୮ ଜଣିଆ ଆଥ୍ଲେଟିକ୍ସ ପ୍ରତିନିଧି ଦଳ,ଯେଉଁଥିରେ ରହିଛନ୍ତି ୧୧ ମହିଳା ଓ ୧୭ ପୁରୁଷ। ଡିଫେଣ୍ଡିଂ ଚାମ୍ପିୟନ ଜାଭେଲିନ୍ ତାରକା ନୀରଜ ଚୋପ୍ରା ଏହି ଦଳର ନେବେ ନେତୃତ୍ୱ ।ନୀରଜଙ୍କ ବ୍ୟତୀତ ଏହି ତାଲିକାରେ ସାମିଲଥିବା ପ୍ରତିଷ୍ଠିତ ଆଥ୍ଲେଟଙ୍କ ମଧ୍ୟରେ ରହିଛନ୍ତି ଅବିନାଶ ସାବ୍ଲେ, ତାଜିନ୍ଦରପାଲ ସିଂ ତୁର୍, ସ୍ପ୍ରିଣ୍ଟ ହର୍ଡଲର ଜ୍ୟୋତି ୟାରାଜି ଅନ୍ୟତମ। ଓଡ଼ିଶାର ପ୍ରତିଭାସମ୍ପନ୍ନ ଜାଭେଲିନ୍ ଥ୍ରୋୟର କିଶୋର କୁମାର ଜେନା ମଧ୍ୟ ଏହି ତାଲିକାରେ ଅଛନ୍ତି ସାମିଲ । ଅନ୍ୟପଟେ ଟୋକିଓ ଗେମ୍ସ ଗୋଲ୍ଡ ମେଡାଲିଷ୍ଟ ତଥା ବର୍ତ୍ତମାନର ବିଶ୍ୱ ଚାମ୍ପିୟନ ୨୬ ବର୍ଷୀୟ ନୀରଜ ଚଳିତ ସପ୍ତାହ ଶେଷରେ ହେବାକୁ ଥିବା ଡାଇମଣ୍ଡ ଲିଗ୍ରେ ଭାଗ ନେବେ ନାହିଁ ବୋଲି କରିଛନ୍ତି ସ୍ପଷ୍ଟ । କାରଣ ପ୍ୟାରିସ ଗେମ୍ସ ପାଇଁ ପ୍ରସ୍ତୁତିକୁ ସେ ଦେଉଛନ୍ତି ଗୁରୁତ୍ୱ ।
What's Your Reaction?
