ବିରଜା ହାଟକୁ ନେଇ ତେଜୁଛି ରାଜଜୈତିକ କଳି

ଯାଜପୁର ଟାଉନ୍‌ର ବିରଜା ହାଟକୁ ନେଇ ତେଜୁଛି ରାଜନୈତିକ କଳି ।ପରସ୍ପରକୁ ଦୋଷାରୋପ କରୁଛନ୍ତି  ବିଜେଡି ଓ ଭାଜପା ନେତା। ଏପରିକି ଏହାକୁ ନେଇ ଆଇନ ଶୃଙ୍ଖଳା ସ୍ଥିତି ଜଟିଳ ହେଉଥିବାରୁ ପୋଲିସ ପ୍ରଶାସନ ପକ୍ଷରୁ ଯାଜପୁର ସହର ଓ ସଦର ଅଞ୍ଚଳରେ ଲାଗୁ କରାଯାଇଛି ଭାରତୀୟ ନାଗରିକ ସୁରକ୍ଷା ସଂହିତାର ଧାରା ୧୬୩ । ଏହାସହ ପ୍ରଥମ କରି ବନ୍ଦ ହୋଇଛି ବିରଜା ହାଟ। ଫଳରେ ଶତାଧିକ କ୍ଷୁଦ୍ରବ୍ୟବସାୟୀଙ୍କ ଜୀବିକା ପ୍ରଭାବିତ ହୋଇଥିବାରୁ ପ୍ରକାଶ ପାଇଛି ଉଦ୍‌ବେଗ । ଅନ୍ୟପକ୍ଷରେ ବିରଜା ପ୍ରକଳ୍ପ କାର୍ଯ୍ୟକୁ ତ୍ୱରାନ୍ବିତ କରିବା ଏବଂ ଆବଶ୍ୟକ ପଡ଼ିଲେ ଆହୁରି ଅନୁଦାନ ଯୋଗାଇ ଦିଆଯିବ ବୋଲି ମୁଖ୍ୟମନ୍ତ୍ରୀଙ୍କ ଘୋଷଣା ପରେ ବିରୋଧୀଙ୍କ ଅକଲ ଗୁଡୁମ୍‌ ହୋଇଯାଇଥିବା ନେଇ ଜୋର ଧରିଛି ଚର୍ଚ୍ଚା ।