ଉଛୁଳିଲା ସେୟାର ମାର୍କେଟ,ପ୍ରଥମ ଥର ପାଇଁ ସେନସେକ୍ସ ୭୭ ହଜାର ପାର୍

ଦେଶରେ ଏନଡିଏ ସରକାର ଆସିବା ସହ ମୋଦୀ ପ୍ରଧାନମନ୍ତ୍ରୀ ଭାବେ ଶପଥ ଗ୍ରହଣ କରିବା ପରେ ପୁଣି ଉଛୁଳିଛି ସେୟାର ବଜାର । ଏଥର ପୂର୍ବର ସବୁ ରେକର୍ଡକୁ ପାର କରିଛି ସେୟାର ମାର୍କେଟ । ସପ୍ତାହର ପ୍ରଥମ ଦିନରେ ମୁମ୍ବାଇର ଷ୍ଟକ ଏକ୍ସଚେଞ୍ଜର ୩୦ ସେୟାର ସେନ୍ସେକ୍ସ ୩୨୩.୬୪ ଅଙ୍କ ସହ ବୃଦ୍ଧି ପାଇଛି । ଏହା ପ୍ରଥମ ଥର ପାଇଁ ୭୭୦୦୦ ସ୍ତର ପାର କରିଛି, ଫଳରେ ନିବେଶକଙ୍କ ମଧ୍ୟରେ  ଦେଖିବାକୁ ମିଳିଛି ଉତ୍ସାହ ।ନ୍ୟାସନାଲ ଷ୍ଟକ୍ ଏକ୍ସଚେଞ୍ଜ ନିଫ୍ଟି ଇଣ୍ଡେକ୍ସ ମଧ୍ୟ ଭଲ ଅଗ୍ରଗତି କରି ୧୦୫ ନମ୍ବର ସହ ବଢିଛି । ଗତ ସପ୍ତାହରେ ଶେଷ ଦିନରେ ବିଏସଇ ର ସେନ୍ସେକ୍ସ ଓ ନିଫ୍ଟି ଜୋରଦାର ଅଭିବୃଦ୍ଧି ସହ ବନ୍ଦ ହୋଇଥିଲା ।