ଗାଜାରେ ପୋଲିଓ ଆକ୍ରାନ୍ତ ଶିଶୁ ଚିହ୍ନଟ; ଯୁଦ୍ଧରେ ଲାଗିବ ବିରତି

ଗାଜାରେ ଅନ୍ଧକାର ମଧ୍ୟକୁ ପ୍ରବେଶ କଲାଣି ପିଲାଙ୍କ ଭବିଷ୍ୟତ। କାରଣ ୨୫ ବର୍ଷ ପରେ ପ୍ରଥମ ଥର ପାଇଁ ଗାଜାରେ ପୋଲିଓରେ ସଂକ୍ରମିତ ହୋଇଛନ୍ତି ଶିଶୁ ।ଏଥିପାଇଁ ଇସ୍ରାଏଲ ସାମରିକ ବାହିନୀ ଓ ଆତଙ୍କବାଦୀ ସଂଗଠନ ହମାସ ମଧ୍ଯରେ ହେବ ୩ ଦିନିଆ ଅସ୍ତ୍ରବିରତି।ଗାଜାର ପ୍ରାୟ ୬ ଲକ୍ଷ ୪୦ ହଜାର ଶିଶୁଙ୍କୁ ପ୍ରଥମ ପର୍ଯ୍ୟାୟରେ ପୋଲିଓ ଟିକା ଦିଆଯିବ ବୋଲି କହିଛି ବିଶ୍ବ ସ୍ବାସ୍ଥ୍ଯ ସଂଗଠନ। ଆସନ୍ତା ରବିବାରଠାରୁ ହେବ ଏହି ଅସ୍ତ୍ରିବିରତି । ପ୍ରଥମେ କେନ୍ଦ୍ରୀୟ ଗାଜାରେ ଚାଲିବ ଟିକାକରଣ । ପରେ ଅନ୍ଯାନ୍ଯ ଅଞ୍ଚଳରେ ଏହି କାର୍ଯ୍ଯକ୍ରମ ଚାଲିବ। ତେବେ ଆବଶ୍ଯକ ପଡ଼ିଲେ ଆଉ ଦିନେ କିମ୍ବା ଦୁଇଦିନ ଟିକାକରଣ କାର୍ଯ୍ୟକ୍ରମ ବଢାଯାଇପାରେ ବୋଲି କହିଛନ୍ତି ବିଶ୍ବ ସ୍ବାସ୍ଥ୍ଯ ସଂଗଠନର ଜରୁରୀକାଳୀନ ନିର୍ଦ୍ଦେଶକ ମାଇକ ରିଆନ।