ନିର୍ବାଚନ ପାଇଁ ଚଳଚଞ୍ଚଳ ଜମ୍ମୁକାଶ୍ମୀର

ଆସନ୍ତାକାଲି ଜମ୍ମୁ କାଶ୍ମୀର ନିର୍ବାଚନ ।ଦୀର୍ଘ ୧୦ ବର୍ଷ ପରେ ମତାଧିକାର ସାବ୍ୟସ୍ତ କରିବେ ଭୋଟର୍‌ । ଏଥିପାଇଁ ଶେଷ ଦିନରେ ବିଜେପି, କଂଗ୍ରେସ ଓ ନ୍ୟାସନଲ କନଫରେନ୍ସ କରିଥିଲେ ଜୋରଦାର ପ୍ରଚାର । ବିଜେପି ସହ ମୈଦାନକୁ ଓଲ୍ହାଇଛନ୍ତି କଂଗ୍ରେସ ଓ ଏନସି । ଘାଟିର ପ୍ରଥମ ପର୍ଯ୍ୟାୟ ନିର୍ବାଚନ ମଇଦାନରେ ଭାଗ୍ୟ ପରୀକ୍ଷା କରୁଛନ୍ତି ମୋଟ ୨୧୯ ପ୍ରାର୍ଥୀ । ଅନନ୍ତନାଗ ଜିଲ୍ଲାରେ ୬୪, ପୁଲୱାମ‌ାରେ ୪୫, ଡୋଡ଼ାରେ ୨୫, କୁଲଗାମରେ ୨୫, କିସ୍ତୱାଡ଼ରେ ୨୨, ସୋପିଆନରେ ୨୧ ଏବଂ ରମ୍ବନରେ ୧୫ ଜଣ ପ୍ରାର୍ଥୀ ପ୍ରଥମ ପର୍ଯ୍ୟାୟରେ ଲଢ଼ୁଛନ୍ତି ନିର୍ବାଚନ । ଇତି ମଧ୍ୟରେ ଜମ୍ମୁ କଶ୍ମୀରରେ କରାଯାଇଛି ତିନିସ୍ତରୀୟ ସୁରକ୍ଷା ବ୍ୟବସ୍ଥା । କଶ୍ମୀରରେ ପ୍ରାୟ ୩୦୦ କମ୍ପାନି ଅର୍ଦ୍ଧସାମରିକ ବାହିନୀ ମୁତୟନ ହୋଇଛନ୍ତି ।