ସ୍ବାମୀ ସହ କାରାଗାର ଗଲା ସହଦେବ ହତ୍ୟାଘଟଣାର ମୂଖ୍ୟ ଅଭିଯୁକ୍ତ ଲିପିକା

ସ୍ବାମୀ ଳକ୍ଷ୍ମୀଧର ନାୟକ ସହ କାରାଗାର ଗଲା ସହଦେବ ହତ୍ୟାଘଟଣାର ମୂଖ୍ୟ ଅଭିଯୁକ୍ତ ଲିପିକା ନାୟକ।ମଞ୍ଚେଶ୍ୱର ପୋଲିସର ସୂଚନା ଅନୁଯାୟୀ, , ଲିପିକା ଥିଲା ଧଳାଜହର ବେପାରୀ । ଆଉ ଏଥିପାଇଁ ବାରମ୍ବାର ତାକୁ ପୋଲିସ ହାତରେ ଧରାଉଥିଲା ସଫେଇ ମଜଦୁର ସଙ୍ଘର ସମ୍ପାଦକ ସହଦେବ । ତେଣୁ ସହଦେବଙ୍କୁ ରାସ୍ତାରୁ ହଟାଇ ଦେବାକୁ ଏଭଳି କାଣ୍ଡ ଭିଆଇଥିଲା ଲିପିକା । ଆଉ ଏହି ଗ୍ୟାଙ୍କରେ ସାମିଲ ହୋଇଥିଲେ ପାଞ୍ଚ ଜଣ ସଦସ୍ୟ । ଏବେ ସୁଦ୍ଧା ମୁଖ୍ୟ ଅଭିଯୁକ୍ତ ଲକ୍ଷ୍ମୀଧର ନାୟକ, ଲକ୍ଷ୍ମୀର ସ୍ତ୍ରୀ ଲିପିକା, ସହଯୋଗୀ ରକୀ ନାୟକ, ଲକୀ ନାୟକ ଓ ରାକେଶ ନାୟକକୁ ଗିରଫ କରିଛି ପୋଲିସ । ଅନ୍ୟତମ ଅଭିଯୁକ୍ତ ସୁଶାନ୍ତ ନାୟକ ଏବେ ବି ଫେରାର ଅଛି । ସେପଟେ ସହଦେବଙ୍କ ନ୍ୟାୟ ଦାବିରେ  ୩ ଦଫା ଦାବି ନେଇ ଆଜି ବି ଭୂବନେଶ୍ୱର ମହାନଗର ନିଗମ କାର୍ଯ୍ୟାଳୟ ଆଗରେ ଧାରଣା ଦେଇଛନ୍ତି ଭୁବନେଶ୍ୱର ମୁନିସିପାଲିଟି ସଫେଇ ମଜଦୂର ସଙ୍ଘର କର୍ମଚାରୀ ।