ୟୁକ୍ରେନ ବିରୋଧୀ ଯୁଦ୍ଧରେ ରୁଷିଆ ପାଇଁ ଲଢୁଛନ୍ତି ଉତ୍ତରକୋରିଆ ସୈନ୍ଯ

ୟୁକ୍ରେନ ବିରୋଧୀ ଯୁଦ୍ଧରେ ରୁଷିଆ ପକ୍ଷରେ ସାମିଲ ଉତ୍ତରକୋରିଆ ସୈନ୍ୟ । ରୁଷିଆ ଓ ଉତ୍ତରକୋରିଆ ମଧ୍ଯରେ ପାରସ୍ପରିକ ବୁଝାମଣା ଉତ୍ତମ ଥିବାବେଳେ ସୈନ୍ୟ କ୍ଷେତ୍ରରେ ସହଯୋଗ ନେଇ ମିଳିଛି ସୂଚନା । ଏସମ୍ପର୍କରେ ଅଭିଯୋଗ କରିଛି ଦକ୍ଷିଣ କୋରିଆ । ଦୁଇ ଦେଶ ମଧ୍ଯରେ ଯୁଦ୍ଧ ଚାଲିଥିବାବେଳେ କୌଣସି ତୃତୀୟ ପକ୍ଷର ସିଧାସଳଖ ସହଯୋଗକୁ ନେଇ ଏବେ ଉଠିଛି ପ୍ରଶ୍ନ । ଯଦି ଉତ୍ତରକୋରିଆର ଅଭିଯୋଗ ସତ୍ଯ ହୋଇଥାଏ ତେବେ ଏହାକୁ ନେଇ ପାଶ୍ଚାତ୍ଯ ରାଷ୍ଟ୍ର ଓ ଉତ୍ତରକୋରିଆ ମଧ୍ଯରେ ଉତ୍ତେଜନା ଅଧିକ ଉଗ୍ର ହେବା ରହିଛି ଆଶଙ୍କା । ଉତ୍ତରକୋରିଆର ୧୦ ହଜାର ସୈନ୍ୟ ରୁଷୀୟ ବାହିନୀରେ ଯୋଗଦେବାକୁ ଯାଉଛନ୍ତି ବୋଲି ୟୁକ୍ରେନ ରାଷ୍ଟ୍ରପତି ଭୋଲୋଦିମିର ଜେଲେନସ୍କି ସୂଚନା ଦେବା ପରେ ଏନେଇ ଆଶଙ୍କା ବ୍ଯକ୍ତ କରିଛି ଦକ୍ଷିଣ କୋରିଆ ।