ରାଜ୍ୟକୁ ମାଡି ଆସୁଛି ବାତ୍ୟା ‘ଦାନା’

ରାଜ୍ୟକୁ ମାଡି ଆସୁଛି ବାତ୍ୟା ‘ଦାନା’। ଏହା ଅତିଭୀଷଣ ରୂପ ନେବା ପରେ ଭିତରକନିକା ଓ ଧାମରା ମଧ୍ୟରେ ଛୁଇଁପାରେ ସ୍ଥଳଭାଗ। ତେବେ ପାରାଦୀପ ରାଡାରରେ ବାତ୍ୟା ଦୃଶ୍ୟମାନ ହେବା ନେଇ ସୂଚନା ଦେଇଛି ପାଣିପାଗ ବିଭାଗ। ଏନେଇ ୬ ଜିଲ୍ଲା ଅଧିକ ପ୍ରଭାବିତ ହେବାକୁ ଥିବାବେଳେ ବିଶେଷ କରି ୫ ଟି ଜିଲ୍ଲା ଜଗତସିଂହପୁର, କେନ୍ଦ୍ରାପଡା, ଭଦ୍ରକ, ବାଲେଶ୍ୱର, ମୟୂରଭଞ୍ଜକୁ ଜାରି ହୋଇଛି ଉଚ୍ଚସତର୍କତା। ବାତ୍ୟା ପ୍ରଭାବରେ ଉତ୍ତର ଓଡିଶାରେ ଭୀଷଣ ବର୍ଷା ହେବାକୁ ଥିବାବେଳେ, ଆଭ୍ୟନ୍ତରୀଣ ଓଡିଶାରେ ବର୍ଷା ହେବାର ରହିଛି ସୂଚନା। ବାତ୍ୟାର ସ୍ଥିତିକୁ ଦେଖି ଆଜି ସନ୍ଧ୍ୟା ସୁଦ୍ଧା ପାଗରେ ପରିବର୍ତ୍ତନ ହେବାର ସୂଚନା ଦେଇଛି ପାଣିପାଗ ବିଭାଗ ।