ଓଡ଼ିଶାରେ ଆଗକୁ ଦେଖା ଦେଇପାରେ ଆଳୁ ସମସ୍ୟା

ଓଡ଼ିଶାରେ ଆଗକୁ ଦେଖା ଦେଇପାରେ ଆଳୁ ସମସ୍ୟା। କାରଣ ପଶ୍ଚିମବଙ୍ଗରେ ଆଳୁ ଅଭାବ ଆଶଙ୍କା ଥିବାରୁ ଅନ୍ୟ ରାଜ୍ୟକୁ ଆଳୁ ଯୋଗାଇବାକୁ ସଫା ସଫା ମନା କରିଦେଇଛନ୍ତି ମମତା ବାନାର୍ଜୀ । ନୂଆ ଆଳୁ ନ ଆସିବା ପର୍ଯ୍ୟନ୍ତ, ଜାନୁଆରୀ, ଫେବ୍ରୁଆରୀ ଯାଏଁ ଆଳୁ ଯୋଗାଣ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି ମମତା,ଯାହାକୁ ନେଇ ବର୍ତ୍ତମାନ ଦେଖା ଦେଇଛି ଆଶଙ୍କା । ଗତକାଲି ମମତାଙ୍କ ଏହି ବୟାନ ପରେ, ଆଜି ପଶ୍ଚିମବଙ୍ଗରୁ ଓଡ଼ିଶାକୁ ଆଳୁ ଗାଡ଼ି ଆସିବା ମଧ୍ଯ ହୋଇ ଯାଇଛି ବନ୍ଦ । ଓଡିଶା ସୀମାରେ ଅଟକି ରହିଛି ଆଳୁ ଗାଡ଼ି । ସେପଟେ ସୀମାରେ ଆଳୁ ଗାଡି ଅଟକିବା ପରେ ବ୍ୟବସାୟୀ ମହାସଙ୍ଘ ପକ୍ଷରୁ ପ୍ରକାଶ ପାଇଛି ଗଭୀର ଉଦବେଗ। ଶୀତଳଭଣ୍ଡାରରୁ ଆଳୁ ଷ୍ଟକ୍ ସରି ଆସୁଥିବାରୁ ସରକାର ଏହାକୁ ଗୁରୁତର ସହ ନେବାକୁ କହିଛନ୍ତି ଓଡ଼ିଶା ବ୍ୟବସାୟୀ ମହାସଙ୍ଘ ସାଧାରଣ ସମ୍ପାଦକ ।