ଘଞ୍ଚ ଜଙ୍ଗଲରୁ ବନ୍ଧୁକ କାରଖାନା ଠାବ

ଯବାନଙ୍କୁ ମିଳିଲା ବଡ଼ ସଫଳତା। ତଲାସି ଅଭିଯାନ ବେଳେ ଛତିଶଗଡ଼ ନାରାୟଣପୁର ଜିଲ୍ଲାରେ ଥିବା ଘଞ୍ଚ ଜଙ୍ଗଲରୁ ଠାବ ହେଲା ବନ୍ଧୁକ କାରଖାନା। ନକ୍ସଲମାନେ ଦୀର୍ଘ ଦିନ ଧରି ସେଠାରେ ବନ୍ଧୁକ ତିଆରି କରୁଥିବା ନେଇ ହୋଇଥିଲା ଅଭିଯୋଗ । ତଲାସି ସମ୍ପର୍କରେ ଜାଣିପାରି ଛତ୍ରଭଙ୍ଗ ଦେଇ ଘଞ୍ଚ ଜଙ୍ଗଲକୁ ପଳାଇ ଯାଇଥିଲେ ନକ୍ସଲମାନେ। ସେଠାରୁ ବନ୍ଧୁକ ତିଆରି ଲେଦ ଯନ୍ତ୍ର ଓ ୱେଲଡିଂ ପାଇଁ ରଖାଯାଇଥିବା ଗ୍ୟାସ, ସୋଲାର ପ୍ୟାନେଲ ଭଳି ଅନେକ ସାମଗ୍ରୀ ଜବତ କରିଛନ୍ତି ଯବାନ । ଏଥିସହ ବହୁ ବିସ୍ଫୋରକ ସାମଗ୍ରୀ ଜବତ କରିଥିଲେ ସୁରକ୍ଷା କର୍ମୀ।