ଜୟପୁର ବ୍ଲକ ଓ ପୌରପାଳିକାର ସହକାରୀ ନିର୍ବାହୀ ଯନ୍ତ୍ରୀ ବିଶ୍ୱନାଥ ପାତ୍ର ଗିରଫ

ଆୟ ବହିର୍ଭୂତ ସଂପତ୍ତି ଠୁଳ ଅଭିଯୋଗରେ ଜୟପୁର ବ୍ଲକ ଓ ପୌରପାଳିକାର ସହକାରୀ ନିର୍ବାହୀ ଯନ୍ତ୍ରୀ ବିଶ୍ୱନାଥ ପାତ୍ରଙ୍କୁ ଆଜି ଗିରଫ କରିଛି ଭିଜିଲାନ୍ସ। ଗତକାଲି ତାଙ୍କ ଘର ସମେତ ଛଅଟି ଜାଗାରେ ଚଢ଼ାଉ କରିଥିଲା ଭିଜିଲାନ୍ସ ଦଳ।ଯନ୍ତ୍ରୀ ବିଶ୍ୱନାଥ ପାତ୍ରଙ୍କର ଜୟପୁର ସହରରେ ଏକ ତିନି ମହଲା କୋଠା ହୋଇଛି ଠାବ, ଯାହାର ଆନୁମାନିକ ମୂଲ୍ୟ ୧.୫୫ କୋଟି। ଏହାଛଡ଼ା ତାଙ୍କର ୧୮ଟି ପ୍ଲଟ୍, ୧ କୋଟିରୁ ଅଧିକ ଜମା, ୮୫୪ଗ୍ରାମ୍ ସୁନା, ୧.୮ କିଲୋଗ୍ରାମ ରୂପା ଇତ୍ୟାଦି ଥିବାର ମିଳିଛି ସୂଚନା | ବିଶ୍ୱନାଥ ପାତ୍ର ଜୟପୁର ବ୍ଲକ ସହକାରୀ ନିର୍ବାହୀ ଯନ୍ତ୍ରୀଭାବେ ଅବସ୍ଥାପିତ ଥିବା ବେଳେ‌ ତାଙ୍କୁ ଜୟପୁର ପୌରପାଳିକାର ନିର୍ବାହୀ ଯନ୍ତ୍ରୀ ଭାବେ ମଧ୍ଯ ଦିଆଯାଇଛି ଅତିରିକ୍ତ ଦାୟିତ୍ବ।