ଡିସେମ୍ବରର ଶ୍ରେଷ୍ଠ ଆଇସିସି ଖେଳାଳି ବୁମ୍ରା
ବର୍ଡର-ଗାଭାସ୍କର ଟ୍ରଫିରେ ଚମତ୍କାର ପ୍ରଦର୍ଶନ କରିଥିବା ଭାରତୀୟ ଦ୍ରୁତ ବୋଲର ଯଶପ୍ରୀତ୍ ବୁମ୍ରା ଡିସେମ୍ବର ମାସ ଲାଗି ଆଇସିସିର ଶ୍ରେଷ୍ଠ ଖେଳାଳି ଭାବରେ ହୋଇଛନ୍ତି ମନୋନୀତ । ଗତବର୍ଷ ଡିସେମ୍ବରରେ ଏହି ଚର୍ଚ୍ଚିତ ଶୃଙ୍ଖଳାର ତିନିଟି ଟେଷ୍ଟ୍ ଖେଳି ୧୪.୨୨ ହାରରେ ୨୨ ୱିକେଟ୍ କରାୟତ୍ତ କରିଥିଲେ ବୁମ୍ରା ।ଜାନୁଆରି ୫ ତାରିଖରେ ଶେଷ ହୋଇଥିବା ଏହି ଶୃଙ୍ଖଳାର ପାଞ୍ଚଟି ମ୍ୟାଚ୍ରୁ ସେ ନେଇଥିଲେ ମୋଟ ୩୨ ୱିକେଟ୍ । ବ୍ରିସବେନ୍ ଟେଷ୍ଟ୍ରେ ୯ ୱିକେଟ୍ ନେବା ପରେ ମେଲ୍ବର୍ଣ୍ଣରେ ପାଞ୍ଚ ୱିକେଟ୍ ସଫଳତା ପାଇଥିଲେ ସେ। ବୁମ୍ରା ମଧ୍ୟ ୨୦ରୁ କମ୍ ହାରରେ ୨୦୦ ୱିକେଟ୍ ନେବାରେ ହୋଇଥିଲେ ବିଶ୍ବର ପ୍ରଥମ ବୋଲର । ଏଣୁ ଅଷ୍ଟ୍ରେଲିଆ ଅଧିନାୟକ ପ୍ୟାଟ୍ କମିନ୍ସ ଓ ଦକ୍ଷିଣ ଆଫ୍ରିକାର ଡେନ୍ ପିଟରସନ୍ଙ୍କୁ ପଛରେ ପକାଇ ମାସର ଶ୍ରେଷ୍ଠ ଖେଳାଳି ପୁରସ୍କାର ଜିତି ନେଇଛନ୍ତି ଯଶପ୍ରୀତ୍ ବୁମ୍ରା ।
What's Your Reaction?
