ମାଷ୍ଟରମାଇଣ୍ଡ ପ୍ରକାଶ ପାସୱାନର ବେଆଇନ ଅଫିସକୁ ଭାଙ୍ଗି ଦେଇଛି ବନ ବିଭାଗ ।

ସଂରକ୍ଷିତ ଜଙ୍ଗଲ ଜମି ଉପରେ ଏହି ଅଫିସ ନିର୍ମାଣ କରି ପ୍ରକାଶ ନିଜର ଅପରାଧ ସିଣ୍ଡିକେଟ ଚଳାଉଥିବା ନେଇ ଅଭିଯୋଗ ହୋଇଥିଲା । 

ରାଉରକେଲାର ବହୁ ଚର୍ଚ୍ଚିତ ସର୍କିଟ ହାଉସ ବନ୍ଧୁକ ଜବତ ଘଟଣାରେ ପ୍ରଶାସନ ପକ୍ଷରୁ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଏହି ମାମଲାର ମୁଖ୍ୟ ଅଭିଯୁକ୍ତ ତଥା ମାଷ୍ଟରମାଇଣ୍ଡ ପ୍ରକାଶ ପାସୱାନର ବେଆଇନ ଅଫିସକୁ ଭାଙ୍ଗି ଦେଇଛି ବନ ବିଭାଗ । ସଂରକ୍ଷିତ ଜଙ୍ଗଲ ଜମି ଉପରେ ଏହି ଅଫିସ ନିର୍ମାଣ କରି ପ୍ରକାଶ ନିଜର ଅପରାଧ ସିଣ୍ଡିକେଟ ଚଳାଉଥିବା ନେଇ ଅଭିଯୋଗ ହୋଇଥିଲା ।

ସୂଚନା ଅନୁଯାୟୀ, ଆଜି ସକାଳୁ ବନ ବିଭାଗ ଓ ପୁଲିସ ପ୍ରଶାସନ ପକ୍ଷରୁ ମିଳିତ ଭାବେ ଏହି ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଛି । ଆଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ଘଟଣାସ୍ଥଳରେ ବ୍ୟାପକ ପୁଲିସ ଫୋର୍ସ ମୁତୟନ କରାଯାଇଛି । ସୁରକ୍ଷାକର୍ମୀଙ୍କ କଡ଼ା ପ୍ରହରା ମଧ୍ୟରେ ବେଆଇନ ଅଫିସକୁ ସମ୍ପୂର୍ଣ୍ଣ ଭାବେ ଧୂଳିସାତ କରାଯାଇଛି । ସର୍କିଟ ହାଉସରୁ ବନ୍ଧୁକ ଜବତ ଘଟଣାରେ ପୁଲିସ ପ୍ରକାଶ ପାଶୱାନକୁ ପୂର୍ବରୁ ଗିରଫ କରିଥିଲା । ତେବେ ରିମାଣ୍ଡ ଅବଧି ଶେଷ ହେବା ପରେ ବର୍ତ୍ତମାନ ସେ ଜେଲରେ ଅଛି । ଅଭିଯୁକ୍ତର ଅପରାଧିକ ସାମ୍ରାଜ୍ୟ ଉପରେ ରୋକ୍ ଲଗାଇବା ପାଇଁ ପ୍ରଶାସନ ପକ୍ଷରୁ ଏହି ବୁଲଡୋଜର ଆକ୍ସନ ନିଆଯାଇଥିବା ଚର୍ଚ୍ଚା ହେଉଛି । ପ୍ରକାଶ ଏହି ଅଫିସକୁ କେନ୍ଦ୍ର କରି ବିଭିନ୍ନ ବେଆଇନ କାର୍ଯ୍ୟକଳାପ ଚଳାଉଥିବା ପୁଲିସ ତଦନ୍ତରୁ ଜାଣିବାକୁ ପାଇଛି । 

ରାଉରକେଲାର ବହୁ ଚର୍ଚ୍ଚିତ ସର୍କିଟ ହାଉସ ବନ୍ଧୁକ ଜବତ ଘଟଣାରେ ପ୍ରଶାସନ ପକ୍ଷରୁ ନିଆଯାଇଛି ବଡ଼ କାର୍ଯ୍ୟାନୁଷ୍ଠାନ। ଏହି ମାମଲାର ମୁଖ୍ୟ ଅଭିଯୁକ୍ତ ତଥା କଥିତ ମାଷ୍ଟରମାଇଣ୍ଡ ପ୍ରକାଶ ପାସୱାନଙ୍କ ବେଆଇନ ଅଫିସ ଉପରେ ଚାଲିଛି ବୁଲଡୋଜର। ବନ ବିଭାଗ ଏହି ନିର୍ମାଣକୁ ଉଚ୍ଛେଦ କରି ସମ୍ପୂର୍ଣ୍ଣ ଭାବେ ଧ୍ୱଂସ କରିଦେଇଛି। ଅଭିଯୋଗ ରହିଥିଲା ଯେ, ସଂରକ୍ଷିତ ଜଙ୍ଗଲ ଜମି ଉପରେ ବେଆଇନ ଭାବେ ଏହି ଅଫିସ ନିର୍ମାଣ କରାଯାଇଥିଲା। ଏହି ଅଫିସକୁ କେନ୍ଦ୍ର କରି ପ୍ରକାଶ ପାସୱାନ ନିଜର ଅପରାଧିକ ସିଣ୍ଡିକେଟ ଚଳାଉଥିବା ନେଇ ମଧ୍ୟ ଅଭିଯୋଗ ସାମ୍ନାକୁ ଆସିଥିଲା। ସର୍କିଟ ହାଉସରୁ ବନ୍ଧୁକ ଜବତ ଘଟଣା ପରେ ପୁଲିସ ତଦନ୍ତରେ ତାଙ୍କର ବିଭିନ୍ନ କାର୍ଯ୍ୟକଳାପ ସମ୍ପର୍କରେ ସୂଚନା ମିଳିଥିବା କୁହାଯାଉଛି।

ସୂଚନା ଅନୁଯାୟୀ, ଆଜି ସକାଳୁ ବନ ବିଭାଗ ଓ ପୁଲିସ ପ୍ରଶାସନର ଏକ ମିଳିତ ଟିମ୍ ଘଟଣାସ୍ଥଳରେ ପହଞ୍ଚି ଉଚ୍ଛେଦ ପ୍ରକ୍ରିୟା ଆରମ୍ଭ କରିଥିଲେ। ସମ୍ଭାବ୍ୟ ଆଇନ-ଶୃଙ୍ଖଳା ପରିସ୍ଥିତିକୁ ନଜରରେ ରଖି ଘଟଣାସ୍ଥଳରେ ବ୍ୟାପକ ପୁଲିସ ଫୋର୍ସ ମୁତୟନ କରାଯାଇଥିଲା। ସୁରକ୍ଷାକର୍ମୀଙ୍କ କଡ଼ା ପହରା ମଧ୍ୟରେ ବେଆଇନ ଅଫିସ ଉପରେ ବୁଲଡୋଜର ଚଢ଼ିଥିଲା।କିଛି ସମୟ ମଧ୍ୟରେ ଏହି କାର୍ଯ୍ୟାଳୟକୁ ସମ୍ପୂର୍ଣ୍ଣ ଭାବେ ଧୂଳିସାତ କରିଦିଆଯାଇଥିଲା। ବନ ବିଭାଗର କହିବା ଅନୁଯାୟୀ, ସଂରକ୍ଷିତ ଜଙ୍ଗଲ ଜମିରେ କୌଣସି ପ୍ରକାର ବେଆଇନ ନିର୍ମାଣକୁ ବରଦାସ୍ତ କରାଯିବ ନାହିଁ।

ଉଲ୍ଲେଖଯୋଗ୍ୟ ଯେ, ସର୍କିଟ ହାଉସରୁ ବନ୍ଧୁକ ଜବତ ଘଟଣାରେ ପୁଲିସ ପୂର୍ବରୁ ପ୍ରକାଶ ପାସୱାନଙ୍କୁ ଗିରଫ କରିଥିଲା। ପରେ ପୁଲିସ ତାଙ୍କୁ ରିମାଣ୍ଡରେ ନେଇ ପଚରାଉଚରା କରିଥିଲା। ରିମାଣ୍ଡ ଅବଧି ଶେଷ ହେବା ପରେ ବର୍ତ୍ତମାନ ସେ ଜେଲରେ ଥିବା ସୂଚନା ମିଳିଛି।ଏବେ ପ୍ରଶାସନର ଏହି ବୁଲଡୋଜର ଆକ୍ସନକୁ ନେଇ ରାଉରକେଲାରେ ଜୋରଦାର ଚର୍ଚ୍ଚା ହେଉଛି। ଅଭିଯୁକ୍ତର କଥିତ ଅପରାଧିକ ସାମ୍ରାଜ୍ୟ ଉପରେ ରୋକ୍ ଲଗାଇବା ଏବଂ ବେଆଇନ ଭାବେ ଦଖଲ ହୋଇଥିବା ସରକାରୀ କିମ୍ବା ସଂରକ୍ଷିତ ଜମିକୁ ମୁକ୍ତ କରିବା ଉଦ୍ଦେଶ୍ୟରେ ଏହି କାର୍ଯ୍ୟାନୁଷ୍ଠାନ ନିଆଯାଇଥିବା ଚର୍ଚ୍ଚା ହେଉଛି।ପୁଲିସ ତଦନ୍ତରେ ଏହି ଅଫିସକୁ କେନ୍ଦ୍ର କରି ବିଭିନ୍ନ ବେଆଇନ କାର୍ଯ୍ୟକଳାପ ଚାଲୁଥିବା ନେଇ ସୂଚନା ମିଳିଥିବା କୁହାଯାଉଛି। ତେବେ ଏହି ଘଟଣାରେ ଆଉ କିଏ କିଏ ସମ୍ପୃକ୍ତ ଅଛନ୍ତି, ବନ୍ଧୁକ ଜବତ ଘଟଣା ପଛରେ କୌଣସି ବଡ଼ ଅପରାଧିକ ନେଟୱର୍କ ରହିଛି କି ନାହିଁ ଏବଂ ଏହି ବେଆଇନ ନିର୍ମାଣ ସହ କିଏ କିଏ ଜଡ଼ିତ ଥିଲେ, ତାହାକୁ ନେଇ ତଦନ୍ତ ଜାରି ରହିଛି।

ସର୍କିଟ ହାଉସ ବନ୍ଧୁକ ମାମଲା ପରେ ଏବେ ମାଷ୍ଟରମାଇଣ୍ଡଙ୍କ କଥିତ ଅପରାଧିକ ସାମ୍ରାଜ୍ୟ ଉପରେ ବୁଲଡୋଜର ଆକ୍ସନ। ଆଗକୁ ଏହି ଘଟଣାରେ ଆଉ କେଉଁ ବଡ଼ ଖୁଲାସା ହେଉଛି ଏବଂ ପ୍ରଶାସନର ପରବର୍ତ୍ତୀ ପଦକ୍ଷେପ କଣ ହେବ, ତାହା ଉପରେ ସମସ୍ତଙ୍କ ନଜର ରହିଛି।