ତୁରିନ୍ରେ ପୋଲିସ-ବିକ୍ଷୋଭକାରୀ ମୁହାଁମୁହିଁ : ଆନ୍ଦୋଳନକାରୀଙ୍କୁ ଅଟକାଇବା ପାଇଁ ପାଣିମାଡ଼
ତୁରିନ୍ରେ କିଛି ବିକ୍ଷୋଭକାରୀ ଓ ପୁଲିସ୍ ମଧ୍ୟରେ ସଂଘର୍ଷ ଘଟିଥିଲା । ପୁଲିସ୍ ବ୍ୟାରିକେଡ୍ ନିକଟରେ ଆନ୍ଦୋଳନକାରୀଙ୍କୁ ଅଟକାଇବା ପାଇଁ ପାଣିମାଡ଼ କରିଥିଲା । ଅନ୍ୟପକ୍ଷରେ ରୋମ୍ରେ ପ୍ରଦର୍ଶନକାରୀମାନେ କୋଲୋସିୟମ୍ ନିକଟରେ ଶୋଭାଯାତ୍ରା କରିଥିଲେ
ତୁରିନ୍ରେ କିଛି ବିକ୍ଷୋଭକାରୀ ଓ ପୁଲିସ୍ ମଧ୍ୟରେ ସଂଘର୍ଷ ଘଟିଥିଲା । ପୁଲିସ୍ ବ୍ୟାରିକେଡ୍ ନିକଟରେ ଆନ୍ଦୋଳନକାରୀଙ୍କୁ ଅଟକାଇବା ପାଇଁ ପାଣିମାଡ଼ କରିଥିଲା । ଅନ୍ୟପକ୍ଷରେ ରୋମ୍ରେ ପ୍ରଦର୍ଶନକାରୀମାନେ କୋଲୋସିୟମ୍ ନିକଟରେ ଶୋଭାଯାତ୍ରା କରିଥିଲେ। ସେଠାରେ ସପ୍ତାହାନ୍ତ ପର୍ଯ୍ୟନ୍ତ ରହିବା ପାଇଁ ତମ୍ବୁ ପକାଇବାକୁ କିଛି ଆନ୍ଦୋଳନକାରୀ ଘୋଷଣା କରିଥିଲେ। ତେବେ ଦିନର ଅଧିକାଂଶ ବିକ୍ଷୋଭ ଶାନ୍ତିପୂର୍ଣ୍ଣ ରହିଛି । ହିଂସା ରୋକିବା ପାଇଁ ଇଟାଲୀର ଗୃହ ମନ୍ତ୍ରଣାଳୟ ପକ୍ଷରୁ ପୂର୍ବରୁ କିଛି ଲୋକଙ୍କୁ ସତର୍କତାମୂଳକ ଭାବେ ଗିରଫ କରାଯାଇଛି ।
ଜେନୋଆ ବନ୍ଦରରେ ଅସ୍ତ୍ର ପରିବହନ ବିରୋଧୀ ଆନ୍ଦୋଳନ
ଜେନୋଆରେ ବନ୍ଦର ଶ୍ରମିକମାନେ ଯୁଦ୍ଧ ପ୍ରଭାବିତ ଅଞ୍ଚଳକୁ ଅସ୍ତ୍ରଶସ୍ତ୍ର ପଠାଇବା ପାଇଁ ବନ୍ଦର ବ୍ୟବହାରକୁ ବିରୋଧ କରିଥିଲେ । ପ୍ରାୟ ୧୫ ହଜାର ଶ୍ରମିକ, ଛାତ୍ର ଓ ଅନ୍ୟ ପ୍ରଦର୍ଶନକାରୀ ବନ୍ଦର ଅଞ୍ଚଳରେ ଏକାଠି ହୋଇଥିବା ଦେଖିବାକୁ ମିଳିଥିଲା ।
ସରକାର ପାଇଁ ବଢ଼ୁଛି ଚ୍ୟାଲେଞ୍ଜ
ସାମ୍ପ୍ରତିକ ସମୟରେ ୟୁରୋପର ଅନେକ ଦେଶରେ ଦରଦାମ ବୃଦ୍ଧି, ବାସଗୃହ ସମସ୍ୟା ଓ ସରକାରୀ ସେବାକୁ ନେଇ ବିକ୍ଷୋଭ ହୋଇଆସୁଛି। ଇଟାଲୀରେ ଏହି ଧର୍ମଘଟ ଓ ଜନଆନ୍ଦୋଳନ ସେହି ବ୍ୟାପକ ଅସନ୍ତୋଷର ଏକ ଅଂଶ।
ମେଲୋନି ସରକାରଙ୍କ ଆର୍ଥିକ ନୀତି, ସାମରିକ ବ୍ୟୟ ଓ ସାର୍ବଜନୀନ ସେବା ସମ୍ପର୍କିତ ନିଷ୍ପତ୍ତିକୁ ନେଇ ଏହି ଆନ୍ଦୋଳନ ବିରୋଧୀ ଦଳମାନେ କରୁଛନ୍ତି। ଆଗାମୀ ଦିନରେ ଏହି ଆନ୍ଦୋଳନକୁ କିପରି ସାମନା କରୁଛନ୍ତି ତାହା ସମୟ କହିବ।
What's Your Reaction?
