ପୁଣି ଜ୍ୟାକଲିନଙ୍କୁ ସମନ ଜାରି କଲା ଇଡି

ବଢିଲା ଜ୍ୟାକଲିନ ଫର୍ଣ୍ଣାଣ୍ଡିସଙ୍କ ଅଡୁଆ । ମନି ଲଣ୍ତିଂ ମାମଲାରେ ସମନ ଜାରି କଲା ଇଡି । କେନ୍ଦ୍ରୀୟ ଅନୁସନ୍ଧାନ ଏଜେନ୍ସି ଜ୍ୟାକଲିନ ଫର୍ଣ୍ଣାଣ୍ଡିସଙ୍କୁ ଆଉ ଥରେ ପଚରାଉଚରା କରିବା ପାଇଁ ଜାରି କରିଛି ସମନ । ଅର୍ଥ ହେରଫେର ମାମଲାରେ ସୁକେଶ ଚନ୍ଦ୍ରଶେଖର ଏବଂ ଜ୍ୟାକଲିନ ଫର୍ଣ୍ଣାଣ୍ଡିସଙ୍କ ବିରୋଧରେ ଇଡି ଦାଖଲ କରିଛି ଏକ ଚାର୍ଜସିଟ । ଚାର୍ଜସିଟ ଅନୁଯାୟୀ, ଚନ୍ଦ୍ରଶେଖର ପ୍ରକାଶ କରିଛନ୍ତି ଯେ ଜ୍ୟାକଲିନ ଫର୍ଣ୍ଣାଣ୍ଡିସଙ୍କ ସହ ବନ୍ଧୁ ହେବା ପରେ ସେ ତାଙ୍କୁ କୋଟି ଟଙ୍କା ମୂଲ୍ୟର ଦେଇଛନ୍ତି ମହଙ୍ଗା ଉପହାର । ସେଣ୍ଟ୍ରାଲ୍ ଇନଭେଷ୍ଟିଗେସନ୍ ଏଜେନ୍ସି ଦାବି କରିଛି ଯେ ଜ୍ୟାକଲିନ୍ ଫର୍ଣ୍ଣାଣ୍ଡିସ୍ ଗ୍ରହଣ କରିଥିବା ମହଙ୍ଗା ଉପହାରରେ ସାମିଲ ଅଛି ଗୁଚି ବ୍ୟାଗ, ଅଳଙ୍କାର, ମହଙ୍ଗା ପୋଷାକ, 15ଟି କାନଫୁଲ, 5 ବିର୍କିନ୍ ବ୍ୟାଗ, YSL ବ୍ୟାଗ, ମହଙ୍ଗା ଜୋତା, ସୁପର ବିଳାସପୂର୍ଣ୍ଣ ବ୍ରାଣ୍ଡ ବ୍ରେସଲେଟ୍, ବଙ୍ଗଳା ଏବଂ ରୋଲକ୍ସ । ଇଡି ଅଭିଯୋଗ କରିଛି ଯେ ସବୁକିଛି ଜାଣିବା ସତ୍ତ୍ୱେ ଜ୍ୟାକଲିନ୍ ଚନ୍ଦ୍ରଶେଖରଙ୍କଠାରୁ ମୂଲ୍ୟବାନ ସାମଗ୍ରୀ, ଅଳଙ୍କାର ଏବଂ ମହଙ୍ଗା ଉପହାର ନେଉଥିଲେ।