ଛାତ୍ରୀଙ୍କ ସହ ସୁପରଷ୍ଟାର ବିଜୟଙ୍କ ଭିଡ଼ିଓ ଭାଇରାଲ

ସାଉଥ ସୁପରଷ୍ଟାର ତାଲପାତୀ ବିଜୟଙ୍କର କିଏ ବା ପ୍ରଶଂସକ ନୁହେଁ । ପ୍ରାୟତଃ ସାମାଜିକ ଗଣମାଧ୍ୟମରେ  ଚର୍ଚ୍ଚାର ବିଷୟ ପାଲଟିଥାଏ ତାଙ୍କର ଭିଡିଓ ଏବଂ ଫଟୋ ଗୁଡ଼ିକ । କିନ୍ତୁ ବର୍ତ୍ତମାନ ଖୁବ୍ ଭାଇରାଲ ହେଉଛି ତାଙ୍କର ଆଉ ଏକ ଭିଡ଼ିଓ । ଯାହାକୁ ଦେଖିବା ପରେ ଅସନ୍ତୋଷ ବ୍ୟକ୍ତ କରିଛନ୍ତି ତାଙ୍କ ପ୍ରଶଂସକମାନେ ।  ବାସ୍ତବରେ ତାମିଲଗା ଭେତ୍ରୀ କାଜଗମ ଦ୍ୱାରା ଆୟୋଜିତ ଦ୍ୱିତୀୟ ବାର୍ଷିକ ଶିକ୍ଷା ପୁରସ୍କାର ସମାରୋହରେ ଭାଗ ନେବାକୁ ଚେନ୍ନାଇରେ ପହଞ୍ଚିଥିଲେ ବିଜୟ । ଯେଉଁଠାରେ ଦଶମ ଏବଂ ଦ୍ୱାଦଶ ଶ୍ରେଣୀର ଶ୍ରେଷ୍ଠ ପ୍ରଦର୍ଶନକାରୀ ଛାତ୍ରୀମାନଙ୍କୁ କରାଯାଇଥିଲା ସମ୍ମାନିତ । ଦଶମ ଶ୍ରେଣୀର ଛାତ୍ରୀଙ୍କୁ  ପୁରସ୍କାର ଦେଉଥିବାର ସମୟରେ ତାଙ୍କ ସହ ଫଟୋ ଉଠାଉଥିବା ନଜର ଆସିଥିଲେ ସୁପରଷ୍ଟାର । ଏହି ସମୟରେ ଛାତ୍ରୀ ଜଣକ ବିଜୟଙକ୍କ ହାତକୁ ତାଙ୍କ କାନ୍ଧରୁ ହଟାଇ ଦେଇଥିଲେ ଏବଂ ହାତକୁ ଧରି ଫଟୋ ଉଠାଇଥବଲେ ।  ତେବେ ଏହି ଅସମ୍ପୂର୍ଣ୍ଣ ଭିଡିଓକୁ ଜଣେ ଉପଭୋକ୍ତା ସୋସିଆଲ ମିଡିଆରେ ସେୟାର କରିଛନ୍ତି, ଯେଉଁ କାରଣରୁ ପ୍ରଶଂସକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । କିନ୍ତୁ ପରେ ପ୍ରଶଂସକମାନେ ସୋସିଆଲ ମିଡିଆରେ ସମ୍ପୂର୍ଣ୍ଣ ଭିଡିଓ ସେୟାର କରିଛନ୍ତି, ଯେଉଁଥିରେ ତାଲପାତୀ ଛାତ୍ରୀଙ୍କ ସହ ପୋଜ୍ କରୁଥିବା ଦେଖିବାକୁ ମିଳିଛି।