ପୁରୀ ଚାପଖେଳ ବାଣ ବିସ୍ଫୋରଣରେ ବଢୁଛି ମୃତ୍ୟୁ ସଂଖ୍ୟା

ଗତ ରାତିରେ ପୁରୀରେ ମହାପ୍ରଭୁଙ୍କ ଚାପ ଖେଳ ବେଳେ ଘଟିଛି ଭୟଙ୍କର ଅଘଟଣ। ନରେନ୍ଦ୍ର ପୁଷ୍କରିଣୀରେ ଭଉଁରି ଖେଳ ସମୟରେ ବାଣ ବିସ୍ଫୋରଣ ଘଟି ୩ ଜଣଙ୍କର ହୋଇଛି ମୃତ୍ୟୁ । ଏଥିରେ ୩୦ରୁ ଅଧିକ ଗୁରୁତର ହୋଇ କଟକ ଓ ଭୁବନେଶ୍ୱରର ବିଭିନ୍ନ ହାସପାତାଳରେ ହେଉଛନ୍ତି  ଚିକିତ୍ସିତ । ମୃତକଙ୍କ ମଧ୍ୟରେ ଜଣେ ୧୫ ବର୍ଷୀୟ ନାବାଳକ ଥିବାବେଳେ ଗୁରୁତରଙ୍କ ମଧ୍ଯରେ ଅଛନ୍ତି ୩ଜଣ ଶିଶୁ । ନରେନ୍ଦ୍ର ପୁଷ୍କରିଣୀରେ ଅଗ୍ନିଶମବାହିନୀ ପକ୍ଷରୁ ଚାଲିଛି  ଖାନତଲାସି । ସ୍ପାଏ କ୍ଯାମେରା ସାହାଯ୍ୟରେ ହେଉଛି ତନାଘନା। ତେବେ ଆଗକୁ ମୃତକଙ୍କ ସଂଖ୍ୟା ବଢିବା ନେଇ କରାଯାଉଛି ଆଶଙ୍କା  । ସେପଟେ ଆଜି  ସମ ହାସପାତାଳ ଯାଇ ଆହାତଙ୍କୁ ଭେଟି ସ୍ୱାସ୍ଥ୍ୟାବସ୍ଥା ସମ୍ପର୍କରେ ପଚାରି ବୁଝିଛନ୍ତି ମୂଖ୍ୟମନ୍ତ୍ରୀ ନବୀନ ପଟ୍ଟନାୟକ ।  ସମସ୍ତଙ୍କ ଆଶୁଆରୋଗ୍ୟ ପାଇଁ କରିଛନ୍ତି କାମନା । ଚିକିତ୍ସା ବ୍ୟବସ୍ଥା ନେଇ ବରିଷ୍ଠ ଡାକ୍ତରଙ୍କ ସହ ମଧ୍ଯ ଆଲୋଚନା କରିଛନ୍ତି ନବୀନ  ।