ରତ୍ନଭଣ୍ଡାର ଭିତରେ ନାହିଁ ସୁଡଙ୍ଗ କି ଗୁପ୍ତ କୋଠରୀ

ରତ୍ନଭଣ୍ଡାର ଭିତରେ ନାହିଁ କୌଣସି ସୁଡଙ୍ଗ କିମ୍ବା ଗୁପ୍ତ କୋଠରୀ । ଜିପିଆର ସର୍ବେକ୍ଷଣ ପରେ ପ୍ରାରମ୍ଭିକ ଆଲୋଚନାରୁ ମିଳିଛି ଏଭଳି ସୂଚନା । ଆଉ ଚୂଡାନ୍ତ ରିପୋର୍ଟ ଆସିବା ପରେ ଏନେଇ ସ୍ପଷ୍ଟ ହେବ ବୋଲି ସୂଚନା ଦେଇଛନ୍ତି ଆଇନ୍ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ। ସେ କହିଛନ୍ତି ଯେ, କାର୍ତ୍ତିକ ମାସରେ ଭିଡ ରହୁଥିବାରୁ ଏବେ ସମ୍ଭବପର ନୁହେଁ  ମରାମତି । କାର୍ତ୍ତିକ ପୂର୍ଣ୍ଣିମାରେ ଆରମ୍ଭ ହେବ ରତ୍ନଭଣ୍ଡାର ମରାମତି କାମ । ତେବେ ବିଭିନ୍ନ ସ୍ଥାନରେ ରହିଛି ବଡ ଫାଟ । ପ୍ରାୟ ମାସେ ଧରି ମରାମତି ପରେ ରତ୍ନଭଣ୍ଡାର ରତ୍ନର ଆରମ୍ଭ ହେବ ଗଣତି ମଣତି  । ପୂର୍ବ ତାଲିକା ଅନୁସାରେ ବର୍ତ୍ତମାନର ତାଲିକାକୁ ମିଶାଇ ୭ ଦିନରେ ରିପୋର୍ଟ ପ୍ରକାଶ ପାଇବ ବୋଲି ସୂଚନା ଦେଇଛନ୍ତି  ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ।