ରାଉରକେଲାରେ ପୁଣି ଲଜ୍ଜା; ନାବାଳିକାକୁ ଗଣଦୁଷ୍କର୍ମ ଅଭିଯୋଗ

ରାଉରକେଲାରେ ପୁଣି ଲଜ୍ଜା। ଜଣେ ୧୫ ବର୍ଷୀୟା ନାବାଳିକାକୁ ରାସ୍ତାରୁ ଉଠାଇ ନେଇ ୩ ଜଣ ଗଣଦୁଷ୍କର୍ମ କରିଥିବା ହୋଇଛି ଅଭିଯୋଗ।ଏନେଇ ନାବାଳିକା ଜଣକ ଉଦିତନଗର ଥାନାରେ ଅଭିଯୋଗ କରିବା ପରେ ତିନି ଅଭିଯୁକ୍ତଙ୍କୁ ଗିରଫ କରି ଥାନାରେ ଅଟକ ରଖି ପଚରାଉଚୁରା କରୁଛି ପୋଲିସ୍।ଗିରଫ ଅଭିଯୁକ୍ତ ମାନଙ୍କ ମଧ୍ୟରୁ ଦୁଇ ଜଣ ବିଶ୍ରା ଅଞ୍ଚଳର ହୋଇଥିବା ବେଳେ ଜଣେ ରାଉରକେଲା ସହରର ହୋଇଥିବା ମିଳିଛି ସୂଚନା। ଗତ ୧୭ ତାରିଖରେ ଘରେ ଝଗଡ଼ା କରି ନାବାଳିକା ଜଣଙ୍କ ଘର ଛାଡି ପଳାଇଥିବାବେଳେ ତାଙ୍କ ସହ ଘଟିଛି ଏପରି ଘଟଣା ।