ଏଆଇଏମଆଇଏମ ନେତାଙ୍କୁ ହତ୍ୟା : ଛୁରୀ ଭୁସି ହତ୍ୟା କଲେ

ତେଲେଙ୍ଗାନାର ହାଇଦ୍ରାବାଦର ଫଲକନୁମା ଥାନା ଅଞ୍ଚଳର ଭାଟ୍ଟେପାଲିରେ ରବିବାର ବିଳମ୍ବିତ ରାତିରେ ପାଞ୍ଚ ଛଅ ଜଣ ଆକ୍ରମଣକାରୀ ଏଆଇଏମଆଇଏମ ନେତା ୬୦ ବର୍ଷ ବୟସ୍କ ମେହବୁବ ଅଲିଙ୍କୁ ଘେରି ଛୁରୀ ଭୁସି ହତ୍ୟା କରିଛନ୍ତି । 

ତେଲେଙ୍ଗାନାର ହାଇଦ୍ରାବାଦର ଫଲକନୁମା ଥାନା ଅଞ୍ଚଳର ଭାଟ୍ଟେପାଲିରେ ରବିବାର ବିଳମ୍ବିତ ରାତିରେ ପାଞ୍ଚ ଛଅ ଜଣ ଆକ୍ରମଣକାରୀ ଏଆଇଏମଆଇଏମ ନେତା ୬୦ ବର୍ଷ ବୟସ୍କ ମେହବୁବ ଅଲିଙ୍କୁ ଘେରି ଛୁରୀ ଭୁସି ହତ୍ୟା କରିଛନ୍ତି। ଆଲମାସ୍ ହୋଟେଲ୍ ନିକଟରେ ଆକ୍ରମଣକାରୀମାନେ ତାଙ୍କୁ ଛୁରୀ ଏବଂ ଦାଆରେ ଆକ୍ରମଣ କରିଥିବା ଅଭିଯୋଗ ହୋଇଛି। ଗୁରୁତର ଆହତ ଅଲିଙ୍କୁ ଡାକ୍ତରଖାନା ନିଆଯାଇଥିଲା କିନ୍ତୁ ଚିକିତ୍ସା ସମୟରେ ତାଙ୍କର ମୃତ୍ୟୁ ହୋଇଥିଲା। 

ପ୍ରାଥମିକ ସୂଚନା ଅନୁଯାୟୀ, ଏଆଇଏମଆଇଏମ ନେତାଙ୍କୁ ଅନେକ ଥର ଛୁରାମାଡ଼ କରାଯିବା ପରେ ସେ ଗୁରୁତର ଆହତ ହୋଇଥିଲେ। ଆକ୍ରମଣ ପରେ ଅପରାଧୀମାନେ ଘଟଣାସ୍ଥଳରୁ ପଳାଇ ଯାଇଥିଲେ। ଗୁରୁତର ଆହତ ଅବସ୍ଥାରେ ସେ ରକ୍ତ ଜୁଡୁବୁଡୁ ହୋଇ ପ୍ରାୟ ୧୫ ମିନିଟ୍ ପର୍ଯ୍ୟନ୍ତ ରାସ୍ତାରେ ପଡ଼ି ରହିଥିଲେ। ତା’ପରେ ତାଙ୍କୁ ହସ୍ପିଟାଲକୁ ନିଆଯାଇଥିଲା।
ଆକ୍ରମଣ ସମ୍ପର୍କରେ ସୂଚନା ପାଇବା ପରେ ଫଲକନୁମା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ପୁଲିସ ଅଧିକାରୀମାନେ କହିଛନ୍ତି, ସନ୍ଦିଗ୍ଧଙ୍କୁ ଧରିବା ପାଇଁ ତିନୋଟି ସ୍ୱତନ୍ତ୍ର ଦଳ ଗଠନ କରାଯାଇଛି। ହତ୍ୟାର କାରଣ ଜଣାପଡିନାହିଁ।