ମଧ୍ୟପ୍ରାଚ୍ୟରେ ଯୁଦ୍ଧ ଯୋଗୁଁ ଉପଭୋକ୍ତାଙ୍କୁ ଘାରିଛି ଏଲପିଜି ସଂକଟ ଚିନ୍ତା।ହୋମ ଡେଲିଭରି ସେବା ମିଳିବା ବନ୍ଦ ହୋଇ ଏବେ ହୋଇଯାଇଛି ଫାଷ୍ଟ କମ୍‌ ଫାଷ୍ଟ ସର୍ଭିସ୍‌ ।  ଗ୍ୟାସ୍‌ ସିଲିଣ୍ଡର ପାଇଁ ରାତିରୁ ଲମ୍ବା ଲାଇନ୍‌ରେ ବସିଛନ୍ତି ଗ୍ରାହକ । ଖଣ୍ଡଗିରି ଲିଙ୍ଗରାଜ HP ଗ୍ୟାସ ଷ୍ଟେସନ ସାମ୍ନାରେ ଦେଖିବାକୁ ମିଳିଛି ଏପରି କିଛି ଦୃଶ୍ୟ।କେବଳ ଏତିକି ନୁହେଁ, ଅଚାନକ ବଢ଼ିଯାଇଛି ଏଲପିଜି ବୁକିଂ ସଂଖ୍ୟା । ଯେଉଁ ଏଜେନ୍ସିରେ ଦିନକୁ ୨୦ରୁ ୩୦ଟି ସିଲିଣ୍ଡର ପାଇଁ ବୁକିଂ ହେଇଥିଲା, ଏବେ ସେଠି ସଂଖ୍ୟା ଦିନକୁ ଟପୁଛି ଶହେ। ତେବେ ଏଲପିଜି ସଂକଟ ଆଶଙ୍କା ବଢ଼ୁଥିବାବେଳେ ଭୟଭୀତ ନହେବାକୁ ବିଭିନ୍ନ ଗ୍ୟାସ କମ୍ପାନୀ ପକ୍ଷରୁ ଉପଭୋକ୍ତାଙ୍କ ମୋବାଇଲକୁ ଆସିଛି ମେସେଜ୍।