ମଝି ସମୁଦ୍ରରେ ନୌସେନା ୟୁନିଟ୍ ସହିତ ଧକ୍କା ନେଇ କଠୋର ଆଭିମୁଖ୍ୟ ଗ୍ରହଣ କଲା ଭାରତ

ପାକିସ୍ତାନୀ ନୌସେନା ୟୁନିଟଗୁଡ଼ିକର କାର୍ଯ୍ୟ ନେଇ ଭାରତ ବିଦେଶ ମନ୍ତ୍ରଣାଳୟ ଏକ କଡ଼ା ପଦକ୍ଷେପ ସ୍ବରୂପ ପାକିସ୍ତାନ ହାଇ କମିସନର ଚାର୍ଜ ଡି’ଆଫେୟର୍ସଙ୍କୁ ସମନ କରିଛି। 

 ପାକିସ୍ତାନୀ ନୌସେନା ୟୁନିଟଗୁଡ଼ିକର କାର୍ଯ୍ୟ ନେଇ ଭାରତ ବିଦେଶ ମନ୍ତ୍ରଣାଳୟ ଏକ କଡ଼ା ପଦକ୍ଷେପ ସ୍ବରୂପ ପାକିସ୍ତାନ ହାଇ କମିସନର ଚାର୍ଜ ଡି’ଆଫେୟର୍ସଙ୍କୁ ସମନ କରିଛି। ଭାରତୀୟ ସମୁଦ୍ରିକ ସୀମାରେ ପାକିସ୍ତାନୀ ନୌସେନା ୟୁନିଟଗୁଡ଼ିକର ଅଗ୍ରହଣୀୟ ଏବଂ ଅଣପେଶାଦାର ଆଚରଣ ଯୋଗୁଁ ଏକ ମଝି ସମୁଦ୍ରରେ ଭାରତୀୟ ନୌସେନା ୟୁନିଟ ସହିତ ଧକ୍କା ହୋଇଥିଲା । ସେଥିପାଇଁ କଡ଼ା ପ୍ରତିବାଦ ଜଣାଇବା ପାଇଁ ନୂଆଦିଲ୍ଲୀସ୍ଥିତ ପାକିସ୍ତାନ ହାଇକମିସନର ଚାର୍ଜ ଡି’ଆଫେୟର୍ସଙ୍କୁ ବୈଦେଶିକ ମନ୍ତ୍ରଣାଳୟକୁ ଡକାଇଛି।

ଅନ୍ତର୍ଜାତୀୟ ଜଳସୀମାରେ ଘଟିଥିବା ଏହି ଘଟଣା ଯୋଗୁଁ କୌଣସି ବଡ଼ କ୍ଷୟକ୍ଷତି ଘଟିନାହିଁ। ତେବେ ପାକିସ୍ତାନୀ ନୌସେନା ଜାହାଜର ଆଚରଣ ୧୯୯୧ ମସିହା ଏପ୍ରିଲ ମାସରେ ଭାରତ ଏବଂ ପାକିସ୍ତାନ ମଧ୍ୟରେ ସ୍ୱାକ୍ଷରିତ ସାମରିକ ଅଭ୍ୟାସ, ଯୁଦ୍ଧାଭ୍ୟାସ ଏବଂ ସୈନ୍ୟ ଗତିବିଧିର ଆଗୁଆ ସୂଚନା ଚୁକ୍ତିନାମାର ଧାରା ୧୦ର ସିଧାସଳଖ ଉଲ୍ଲଂଘନ କରିଥିଲା।
ଦିଲ୍ଲୀରେ ପାକିସ୍ତାନୀ ହାଇକମିସନର ଚାର୍ଜ ଡି’ଆଫେୟର୍ସଙ୍କୁ ସମନ କରିବା ପରେ, ତାଙ୍କୁ ପରାମର୍ଶ ଦିଆଯାଇଛି ଯେ, ସେ ସମ୍ପୃକ୍ତ ପାକିସ୍ତାନୀ କର୍ତ୍ତୃପକ୍ଷଙ୍କୁ ଜଣାଇ ଦିଅନ୍ତୁ ସମସ୍ତ ସାମରିକ ୟୁନିଟ୍ ସର୍ବାଧିକ ସତର୍କତା ଅବଲମ୍ବନ କରିବା ଉଚିତ୍ ଏବଂ ଏପରି ଘଟଣାର ପୁନରାବୃତ୍ତିକୁ ରୋକିବା ପାଇଁ ଉଭୟ ପକ୍ଷ ମଧ୍ୟରେ ହୋଇଥିବା ପ୍ରାସଙ୍ଗିକ ଚୁକ୍ତିନାମାର ବ୍ୟବସ୍ଥାକୁ ସମ୍ମାନ କରିବା ଉଚିତ୍।