ସମ୍ବଲପୁର ମଣ୍ଡଳ କାରାଗାରରେ ପୋଲିସର ଅଚାନକ ଚଢାଉ

ଆଜି ସକାଳୁ ସମ୍ବଲପୁର ମଣ୍ଡଳ କାରାଗାରରେ ଅଚାନକ ଚଢାଉ କରିଛି ପୋଲିସ। ଏହି ସମୟରେ କାରାଗାରରୁ ଜବତ ହୋଇଛି ବିଡ଼ି, ଖଇନି, ଗଞ୍ଜେଇ ଭଳି ମାଦକ ଦ୍ରବ୍ୟ । ଚଢାଉରେ ସମ୍ବଲପୁର ଥାନାର ସମସ୍ତ ଅଧିକାରୀଙ୍କ ସମେତ ଉଚ୍ଚପଦସ୍ଥ କର୍ମଚାରୀମାନେ ହୋଇଥିଲେ ସାମିଲ। କେମିତି ଓ କେଉଁ ପରିସ୍ଥିତିରେ କାରାଗାର ମଧ୍ୟକୁ ଏସବୁ ମାଦକ ଦ୍ରବ୍ୟ ପ୍ରବେଶ କରାଯାଉଛି ସେ ଉପରେ କରାଯାଉଛି ଯାଞ୍ଚ। ସେହିପରି ବରଗଡ଼ ଜିଲାମୁଖ୍ୟ କାରାଗାରରେ ମଧ୍ଯ ଅତର୍କିତ ଚଢାଉ କରି ଭାଙ୍ଗ, ଖଇନି, ଗୁଟଖା ଓ ଆଣ୍ଟି ବାୟୋଟିକ ଔଷଧ ଜବତ କରିଛି ପୋଲିସ ।