ଇରାନ ଯୁଦ୍ଧରେ ଆମେରିକା ସହିଛି ବହୁ କ୍ଷତି: ଏପର୍ଯ୍ୟନ୍ତ ଲୁଚାଇ ରଖାଯାଇଥିବା ୩ ତଥ୍ୟ ପ୍ରକାଶ କଲା ପେଣ୍ଟାଗନର ୱାଚଡଗ୍ ରିପୋର୍ଟ

ପେଣ୍ଟାଗନର ମୁଖ୍ୟ, ଆମେରିକାର ପ୍ରତିରକ୍ଷା ସଚିବ ପିଟ୍ ହେଗସେଥ୍, ଆମେରିକୀୟ କଂଗ୍ରେସକୁ କହିଛନ୍ତି, ଯୁଦ୍ଧ ପାଇଁ ଏପର୍ୟ୍ୟନ୍ତ ୩୭ ବିଲିୟନ ଡଲାର (୩.୫୯ ଲକ୍ଷ କୋଟି ଟଙ୍କା) ଖର୍ଚ୍ଚ ହୋଇଛି। ତେବେ ଗଣମାଧ୍ୟମରେ ପ୍ରକାଶିତ ରିପୋର୍ଟ ଏହାକୁ ଭୁଲ୍ ପ୍ରମାଣିତ କରିଛି। ଗଣମାଧ୍ୟମ ଅନୁଯାୟୀ, ଆମେରିକା ଏପର୍ୟ୍ୟନ୍ତ ଯୁଦ୍ଧରେ ୬୦ ବିଲିୟନ ଡଲାରରୁ ଅଧିକ ଖର୍ଚ୍ଚ କରିଛି। ପେଣ୍ଟାଗନ୍ ଯୁଦ୍ଧ ସହିତ ଜଡିତ ଅନ୍ୟ କୌଣସି ତଥ୍ୟ ପ୍ରକାଶ କରିନାହିଁ। ତେବେ ପ୍ରଥମ ଥର ପାଇଁ ୩ଟି ତଥ୍ୟ ପ୍ରକାଶ ପାଇଛି। 

ଇରାନ ଯୁଦ୍ଧରେ ଏପର୍ୟ୍ୟନ୍ତ ଆମେରିକାର କେତେ କ୍ଷତି ହୋଇଛି ତାହାର ପରିମାଣ ପ୍ରଥମ ଥର ପାଇଁ ପ୍ରକାଶ ପାଇଛି। ଏପର୍ୟ୍ୟନ୍ତ ପେଣ୍ଟାଗନ କେବଳ ଆମେରିକୀୟ ସୈନ୍ୟଙ୍କ ଉପରେ ଆକ୍ରମଣର ତଥ୍ୟ ପ୍ରଦାନ କରୁଥିଲା। ତେବେ ପ୍ରଥମ ଥର ପାଇଁ, ଏକ ପର୍ୟ୍ୟବେକ୍ଷକ ରିପୋର୍ଟ ପ୍ରକାଶ କରିଛି ଯେ ଯୁଦ୍ଧ ସମୟରେ ଆମେରିକା ଅନ୍ୟ ତିନୋଟି ସ୍ଥାନରେ କ୍ଷେତ୍ରରେ ମଧ୍ୟ ଯଥେଷ୍ଟ କ୍ଷତି ସହିଛି, ଯାହାର ତଥ୍ୟ ଏପର୍ୟ୍ୟନ୍ତ ଲୁଚାଇ ରଖାଯାଇଥିଲା।ଆସୋସିଏଟେଡ୍ ପ୍ରେସ୍ ଅନୁଯାୟୀ, ସଂଘର୍ଷରେ ସାତଟି ଆମେରିକୀୟ ବିମାନ ଏବଂ ୩୦ଟି ଏମକ୍ୟୁ-୯ ଡ୍ରୋନ୍ କ୍ଷତିଗ୍ରସ୍ତ ଅବା ନଷ୍ଟ ହୋଇଥିବା ରିପୋର୍ଟ ହୋଇଛି। ଇରାନ ଆକ୍ରମଣରେ ୧୮ ଜଣ ଆମେରିକୀୟ ସେବା ସଦସ୍ୟଙ୍କ ଜୀବନ ଯାଇଛି। ମାତ୍ର ପେଣ୍ଟାଗନ୍ ଆନୁଷ୍ଠାନିକ ଭାବରେ କେବଳ ୧୨ ଜଣଙ୍କ ମୃତ୍ୟୁକୁ ସ୍ୱୀକାର କରିଛି।

ପେଣ୍ଟାଗନର ୱାଚଡଗ୍ ରିପୋର୍ଟ ଅନୁସାରେ ଇରାନ ଯୁଦ୍ଧରେ ଆମେରିକୀୟ ଉପକରଣ ପ୍ରତିରକ୍ଷା ବିଭାଗର କ୍ଷୟକ୍ଷତିର ପ୍ରଥମ ଆନୁଷ୍ଠାନିକ ହିସାବ ପ୍ରକାଶ କରିଛି। ସେଥିରେ ମଧ୍ୟପ୍ରାଚ୍ୟରେ ଆମେରିକୀୟ ସାମରିକ ଘାଟି ଏବଂ କୂଟନୈତିକ ସୁବିଧାଗୁଡ଼ିକର ବ୍ୟାପକ କ୍ଷତିର ବିସ୍ତୃତ ବିବରଣୀ ଦିଆଯାଇଛି। ପ୍ରତିରକ୍ଷା ବିଭାଗର ଇନ୍ସପେକ୍ଟର ଜେନେରାଲଙ୍କ ଦ୍ୱାରା ଫେବ୍ରୁଆରି ୨୮ ରୁ ଜୁନ ୩୦ ପର୍ୟ୍ୟନ୍ତ ପ୍ରସ୍ତୁତ ସ୍ୱତନ୍ତ୍ର ରିପୋର୍ଟରେ କୁହାଯାଇଛି ଯେ, ଇରାନୀ ଆକ୍ରମଣରେ କୁଏତ, ବାହାରିନ, କତାର, ୟୁଏଇ, ସାଉଦି ଆରବ, ଇରାକ, ଓମାନ ଏବଂ ଜୋର୍ଡାନ ପ୍ରଭୃତି ୮ ଦେଶରେ ଥିବା ଆମେରିକୀୟ ଘାଟିରେ ଶହ ଶହ କୋଠା ଏବଂ ନିର୍ମାଣ ଭିତ୍ତିଭୂମି କ୍ଷତିଗ୍ରସ୍ତ ତଥା ଧ୍ୱଂସ ହୋଇଛି। ରିପୋର୍ଟରେ କୁହାଯାଇଛି ଯେ ଇରାନୀ ସେନା ଏବଂ ସେମାନଙ୍କର ପ୍ରକ୍ସି ଗୋଷ୍ଠୀମାନେ ଆମେରିକୀୟ ସ୍ଥାନଗୁଡ଼ିକୁ ଟାର୍ଗେଟ କରିବାରୁ ଆକ୍ରମଣ ଯୋଗୁଁ ଆମେରିକୀୟ କେନ୍ଦ୍ରୀୟ କମାଣ୍ଡ କର୍ମଚାରୀ, ସମ୍ପତ୍ତି ଏବଂ ସଂରକ୍ଷଣ ସୁବିଧା ସ୍ଥାନାନ୍ତର କରିବାକୁ ବାଧ୍ୟ ହୋଇଥିଲା।

ପେଣ୍ଟାଗନର ମୁଖ୍ୟ, ଆମେରିକାର ପ୍ରତିରକ୍ଷା ସଚିବ ପିଟ୍ ହେଗସେଥ୍, ଆମେରିକୀୟ କଂଗ୍ରେସକୁ କହିଛନ୍ତି, ଯୁଦ୍ଧ ପାଇଁ ଏପର୍ୟ୍ୟନ୍ତ ୩୭ ବିଲିୟନ ଡଲାର (୩.୫୯ ଲକ୍ଷ କୋଟି ଟଙ୍କା) ଖର୍ଚ୍ଚ ହୋଇଛି। ତେବେ ଗଣମାଧ୍ୟମରେ ପ୍ରକାଶିତ ରିପୋର୍ଟ ଏହାକୁ ଭୁଲ୍ ପ୍ରମାଣିତ କରିଛି। ଗଣମାଧ୍ୟମ ଅନୁଯାୟୀ, ଆମେରିକା ଏପର୍ୟ୍ୟନ୍ତ ଯୁଦ୍ଧରେ ୬୦ ବିଲିୟନ ଡଲାରରୁ ଅଧିକ ଖର୍ଚ୍ଚ କରିଛି। ପେଣ୍ଟାଗନ୍ ଯୁଦ୍ଧ ସହିତ ଜଡିତ ଅନ୍ୟ କୌଣସି ତଥ୍ୟ ପ୍ରକାଶ କରିନାହିଁ। ତେବେ ପ୍ରଥମ ଥର ପାଇଁ ୩ଟି ତଥ୍ୟ ପ୍ରକାଶ ପାଇଛି।

ପ୍ରଥମରେ ଆମେରିକୀୟ ପର୍ୟ୍ୟବେକ୍ଷକ ଅନୁଯାୟୀ, ଯୁଦ୍ଧ ଯୋଗୁଁ ଉପସାଗରରେ ଥିବା ଆମେରିକୀୟ କୂଟନୈତିକ ପ୍ରତିଷ୍ଠାନଗୁଡ଼ିକୁ ପ୍ରାୟ ୧୮୪ ନିୟୁତ ଡଲାର କ୍ଷତି ହୋଇଥିଲା। ଇରାନ ପକ୍ଷରୁ ବାହାରିନ ଏବଂ କୁଏତର ଦୂତାବାସ ଉପରେ ଜୋରଦାର ଆକ୍ରମଣ କରାଯାଇଥିଲା।

ଦ୍ବିତୀୟରେ ରିପୋର୍ଟ ଅନୁଯାୟୀ, ଉପସାଗରରୁ ଆମେରିକୀୟ ନାଗରିକଙ୍କୁ ଜରୁରୀକାଳୀନ ସ୍ଥାନାନ୍ତର ପାଇଁ ୧୧୩ ନିୟୁତ ଡଲାର ଖର୍ଚ୍ଚ ହୋଇଥିଲା। ଯୁଦ୍ଧ ସମୟରେ ପ୍ରାୟ ୯,୦୦୦ ଆମେରିକୀୟ ନାଗରିକଙ୍କୁ ଉପସାଗରରୁ ସ୍ଥାନାନ୍ତର କରାଯାଇଥିଲା।
ତୃତୀୟରେ ଏହି ଯୁଦ୍ଧରୁ ଆମେରିକା ମଧ୍ୟ ଲାଭବାନ ହୋଇଥିଲା। ଯୁଦ୍ଧ ସମୟରେ, ଆମେରିକା ସାଉଦି ଆରବକୁ ୪୪ ବିଲିୟନ ଡଲାର ମୂଲ୍ୟର ଅସ୍ତ୍ରଶସ୍ତ୍ର ବିକ୍ରି କରିଥିଲା। ତେବେ ଏଥିରୁ ସରକାରଙ୍କୁ ସିଧାସଳଖ କେତେ ଲାଭ ମିଳିଛି ସେନେଇ କୌଣସି ସୂଚନା ପ୍ରକାଶ କରାଯାଇ ନାହିଁ।