ଦୁଇ ଦିନିଆ ଇସ୍ରାଏଲ୍ ଗସ୍ତରେ ଯିବେ ପ୍ରଧାନମନ୍ତ୍ରୀ ମୋଦୀ

ଆଜିଠୁ ଦୁଇଦିନିଆ ଇସ୍ରାଏଲ୍‌ ଗସ୍ତରେ ଯିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ।ଭାରତ-ଇସ୍ରାଏଲ୍ ରଣନୀତିକ ସହଭାଗୀତାରେ ହୋଇଥିବା ଗୁରୁତ୍ୱପୂର୍ଣ୍ଣ ପ୍ରଗତିର ସମୀକ୍ଷା କରିବେ ଦୁଇ ନେତା। ବିଜ୍ଞାନ ଓ ପ୍ରଯୁକ୍ତି ବିଦ୍ୟା,ନବସୃଜନ,ପ୍ରତିରକ୍ଷା ଓ ସୁରକ୍ଷା,କୃଷି, ଜଳ ସେଚନ,ବାଣିଜ୍ୟ ଓ ଅର୍ଥବ୍ୟବସ୍ଥା ତଥା ଲୋକଙ୍କ ମଧ୍ୟରେ ଆଦାନପ୍ରଦାନ ସମେତ ବିଭିନ୍ନ କ୍ଷେତ୍ରରେ ସହଯୋଗ ଉପରେ ହେବ ଆଲୋଚନା। ଦୁଇ ନେତାଙ୍କ ମଧ୍ୟରେ ପାରସ୍ପାରିକ ହିତର କ୍ଷେତ୍ରୀୟ ଓ ବୈଶ୍ୱିକ ପ୍ରସଙ୍ଗ ଉପରେ ହୋଇପାରେ ବି ବିଚାର-ବିମର୍ଶ।ଏହି ଗସ୍ତ ସମୟରେ ଇସ୍ରାଏଲ୍ ରାଷ୍ଟ୍ରପତି ଇସହାକ ହର୍ଜୋଗଙ୍କୁ ମଧ୍ୟ ସାକ୍ଷାତ କରିବେ ପ୍ରଧାନମନ୍ତ୍ରୀ ମୋଦୀ।ତେବେ ସବୁଠୁ ବଡ଼ କଥା ହେଲା ମୋଦୀଙ୍କ ଗସ୍ତ ପୂର୍ବରୁ ଇସ୍ରାଏଲରେ ଗଠନ ହୋଇଛି ଏକ ନୂଆ ମେଣ୍ଟ ହେକ୍ସାଗନ୍ ଗଠବନ୍ଧନ।