ଦୁର୍ଘଟଣା ରୋକିବାକୁ ତଥ୍ୟ ଆଧାରିତ ରଣନୀତି, ରୋଡ୍ ଏଜେନ୍ସିଙ୍କଠାରୁ ତଥ୍ୟ ମାଗିଲା ପରିବହନ ବିଭାଗ
ଦୁର୍ଘଟଣାର ସ୍ମାର୍ଟ ବିଶ୍ଳେଷଣ ପାଇଁ ରାସ୍ତା ଏଜେନ୍ସିମାନଙ୍କୁ ତଥ୍ୟ ପ୍ରଦାନ କରିବାକୁ ନିର୍ଦ୍ଦେଶ ଦିଆଯାଇଛି । ରାଜ୍ୟ ପରିବହନ ବିଭାଗ ସମସ୍ତ ରାସ୍ତା ଏଜେନ୍ସିମାନଙ୍କୁ ଇଲେକ୍ଟ୍ରୋନିକ୍ ଡିଟେଲଡ୍ ଆକ୍ସିଡେଣ୍ଟ ରିପୋର୍ଟ ଡାଟାବେସ୍ରେ ସଂଯୋଗ କରିବା ପାଇଁ ନିର୍ଦ୍ଦେଶ ଦେଇଛି ।
ଦୁର୍ଘଟଣା ରୋକିବାକୁ ପରିହନ ବିଭାଗର ମାଷ୍ଟର ପ୍ଳାନ । ଦୁର୍ଘଟଣାର ସ୍ମାର୍ଟ ବିଶ୍ଳେଷଣ ପାଇଁ ରାସ୍ତା ଏଜେନ୍ସିମାନଙ୍କୁ ତଥ୍ୟ ପ୍ରଦାନ କରିବାକୁ ନିର୍ଦ୍ଦେଶ ଦିଆଯାଇଛି । ରାଜ୍ୟ ପରିବହନ ବିଭାଗ ସମସ୍ତ ରାସ୍ତା ଏଜେନ୍ସିମାନଙ୍କୁ ଇଲେକ୍ଟ୍ରୋନିକ୍ ଡିଟେଲଡ୍ ଆକ୍ସିଡେଣ୍ଟ ରିପୋର୍ଟ ଡାଟାବେସ୍ରେ ସଂଯୋଗ କରିବା ପାଇଁ ନିର୍ଦ୍ଦେଶ ଦେଇଛି ।
ଏହି ପଦକ୍ଷେପ ରାଜ୍ୟର ବିଭିନ୍ନ ରାସ୍ତାରେ ଦୁର୍ଘଟଣାର ଟ୍ରେଣ୍ଡ ଓ ପ୍ୟାଟର୍ନର ଅଧିକ ସଠିକ୍ ବିଶ୍ଳେଷଣକୁ ସମ୍ଭବ ହେବ । ରାଜ୍ୟ ପରିବହନ କମିଶନରଙ୍କ କାର୍ଯ୍ୟାଳୟ ସମ୍ପ୍ରତି ଜାତୀୟ ରାଜପଥ ପ୍ରାଧିକରଣ (NHAI) ଏବଂ ରାଜ୍ୟର ରାସ୍ତା ଦେଖାଶୁଣା କରୁଥିବା ୱାର୍କ୍ସ ବିଭାଗର ଅଧିକାରୀମାନଙ୍କୁ ଚିଠି ଲେଖି ରୋଡ୍ ଲେୟର୍ ସୂଚନା ଦାଖଲ କରିବାକୁ କହିଛି । ଯାହାର ବିପଦର କାରଣ, ସମ୍ବେଦନଶୀଳ ସ୍ଥାନ ଏବଂ ଦୁର୍ଘଟଣା ପ୍ୟାଟର୍ନ ଚିହ୍ନଟ କରିବାରେ ସାହାଯ୍ୟ କରିବ ।
ନିର୍ଦ୍ଦେଶ ଅନୁଯାୟୀ, ଏଜେନ୍ସିମାନଙ୍କୁ ରୋଡ୍ କୋଡ୍, ରୋଡ୍ ଟାଇପ୍, ରୋଡ୍ କ୍ୟାଟେଗୋରୀ, ସେଗମେଣ୍ଟ୍ ID, ରୋଡ୍ ଚଉଡ଼ା, ଶୋଲ୍ଡର୍ ଚଉଡ଼ା ଏବଂ ମାଲିକାନା ବିବରଣୀ ପ୍ରଦାନ କରିବାକୁ କୁହାଯାଇଛି। ପୋଲିସ୍ ତଥ୍ୟ ଅନୁଯାୟୀ ୨୦୨୩ରୁ ୨୦୨୫ ମଧ୍ୟରେ ରାଜ୍ୟରେ ୧୮,୩୬୪ ଜଣ ରାସ୍ତା ଦୁର୍ଘଟଣାରେ ମୃତ୍ୟୁବରଣ କରିଛନ୍ତି । ମୁଖ୍ୟତଃ ଅତ୍ୟଧିକ ଗତି, ଅସାବଧାନ ଡ୍ରାଇଭିଂ, ଖରାପ ରାସ୍ତା ଇଞ୍ଜିନିୟରିଂ ଏବଂ ସଚେତନତାର ଅଭାବ ଏହାର କାରଣ। ସମ୍ପ୍ରତି ରାସ୍ତା ପରିବହନ ଓ ରାଜପଥ ମନ୍ତ୍ରାଳୟ ରିପୋର୍ଟରେ ୨୦୨୪ରେ ଓଡ଼ିଶାର ଦୁର୍ଘଟଣାରେ ମୃତ୍ୟୁ ହାର ୪୯.୬% ରହିଛି, ଯାହା ଜାତୀୟ ହାର ୩୬.୩ ଠାରୁ ବହୁତ ବେଶି ।
ଏହି ବର୍ଷ ଜାନୁଆରୀରୁ ଏପ୍ରିଲ୍ ମଧ୍ୟରେ ମାତ୍ର ୨,୫୩୦ ଜଣ ସଡ଼କ ଦୁର୍ଘଟଣାରେ ମୃତ୍ୟୁବରଣ କରିଛନ୍ତି, ଯାହା ୨୦୨୫ର ସମାନ ଅବଧି ତୁଳନାରେ ୯.୪% ବୃଦ୍ଧି । କେବଳ ଆଠଟି ଜିଲ୍ଲା ଭଦ୍ରକ, ବୌଦ୍ଧ, ଦେଓଗଡ଼, କୋରାପୁଟ, ମାଲକାନଗିରି, ନବରଙ୍ଗପୁର, ପୁରୀ ଏବଂ ସୁନ୍ଦରଗଡ଼ରେ ଦୁର୍ଘଟଣା ଓ ମୃତ୍ୟୁ ଉଭୟ ଏକାସାଙ୍ଗେ ହ୍ରାସ ପାଇଛି ।
What's Your Reaction?
