ଭିଜିଲାନ୍ସ ଜାଲରେ ଲୋୟର ସୁକତେଲ ପ୍ରକଳ୍ପର ମୁଖ୍ୟ ନିର୍ମାଣ ଯନ୍ତ୍ରୀ ସୁନିଲ ରାଉତ

ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ବଲାଙ୍ଗୀର ଲୋୟର ସୁକତେଲ ପ୍ରୋଜେକ୍ଟର ଚିଫ କନଷ୍ଟ୍ରକସନ ଇଞ୍ଜିନିୟର ସୁନୀଲ ରାଉତଙ୍କ ଘର ସମେତ ଏକକାଳୀନ ୯ ଟି ସ୍ଥାନରେ ଚଢାଉ କରିଛି ଭିଜିଲାନ୍ସ।ଭୁବନେଶ୍ୱର ନୀଳାଦ୍ରି ବିହାରରେ ଥିବା ଘର, ନୟାପଲ୍ଲୀସ୍ଥିତ ଦୋମହଲା ଘର, ପୁରୀ ଭିଆଇପି ରୋଡ଼ ସ୍ଥିତ ଫ୍ଲାଟ, ଗ୍ରାଣ୍ଡ ରୋଡ଼ରେ ଥିବା ଫ୍ଲାଟ, କଟକ ଗୁରୁଡ଼ିଝାଟିଆରେ ଥିବା ପୈତୃକ ଘର, ଅନୁଗୁଳ କିଶନ ନଗରସ୍ଥିତ ସମ୍ପର୍କୀୟଙ୍କ ଘର, ନୟାପଲ୍ଲୀ ସ୍ଥିତ ସମ୍ପର୍କୀୟଙ୍କ ଘର, ବଲାଙ୍ଗୀର ଘର ଓ ଅଫିସ ଚାମ୍ବରରେ ଚାଲିଛି ଏକକାଳୀନ ଚଢାଉ । ସ୍ୱତନ୍ତ୍ର ଜଜ୍ ଭୁବନେଶ୍ୱରଙ୍କ ନିର୍ଦ୍ଦେଶ କ୍ରମେ ୨ ଅତିରିକ୍ତ ଏସପିଙ୍କ ନେତୃତ୍ବରେ ସକାଳୁ ଚଢ଼ାଉ ଜାରି ରଖିଛନ୍ତି ୮ ଡ଼ିଏସପି,୬ ଇନ୍ସପେକ୍ଟର,୧୦ ଏଏସଆଇ ଓ ଅନ୍ୟାନ୍ୟ ଷ୍ଟାଫ ।