ଫିଲିପାଇନ୍ସରେ ଏକ ବଡ଼ ବିମାନ ଦୁର୍ଘଟଣା ଟଳିଲା: ଜରୁରୀକାଳୀନ ଅବତରଣ କଲା ଏୟାର ନିଉଗିନି
ଫିଲିପାଇନ୍ସରେ ଏକ ଏୟାର ନିଉଗିନି ବିମାନ ଶନିବାର ଜରୁରୀକାଳୀନ ଅବତରଣ କରିଛି। ରିପୋର୍ଟ ଅନୁସାରେ, ବିମାନର ଇଞ୍ଜିନରେ ନିଆଁ ଲାଗିଥିବା ଜଣାପଡ଼ିଥିଲା, ଯାହା ଫଳରେ ବିମାନ କର୍ମଚାରୀଙ୍କ ମଧ୍ୟରେ ଆତଙ୍କ ଖେଳିଯାଇଥିଲା। ପାଇଲଟଙ୍କ ଉପସ୍ଥିତ ବୁଦ୍ଧି ଯୋଗୁଁ ବିମାନଟି...
ଫିଲିପାଇନ୍ସରେ ଏକ ଏୟାର ନିଉଗିନି ବିମାନ ଶନିବାର ଜରୁରୀକାଳୀନ ଅବତରଣ କରିଛି। ରିପୋର୍ଟ ଅନୁସାରେ, ବିମାନର ଇଞ୍ଜିନରେ ନିଆଁ ଲାଗିଥିବା ଜଣାପଡ଼ିଥିଲା, ଯାହା ଫଳରେ ବିମାନ କର୍ମଚାରୀଙ୍କ ମଧ୍ୟରେ ଆତଙ୍କ ଖେଳିଯାଇଥିଲା। ପାଇଲଟଙ୍କ ଉପସ୍ଥିତ ବୁଦ୍ଧି ଯୋଗୁଁ ବିମାନଟି ସୁରକ୍ଷିତ ଭାବରେ ଅବତରଣ କରିଥିଲା ଏବଂ ଏକ ବଡ଼ ଦୁର୍ଘଟଣାକୁ ଏଡ଼ାଇ ଦିଆଯାଇଥିଲା। ଫିଲିପାଇନ୍ସ ବିମାନ ଚଳାଚଳ ଅଧିକାରୀମାନେ କହିଛନ୍ତି ଯେ, ଏୟାର ନିଉଗିନି ବିମାନଟି ୧୪୬ ଜଣ ଯାତ୍ରୀ ଏବଂ କର୍ମଚାରୀଙ୍କୁ ନେଇ ହଂକଂରୁ ପାପୁଆ ନ୍ୟୁଗିନି ଅଭିମୁଖେ ଉଡ଼ାଣ କରୁଥିଲା।
ଫିଲିପାଇନ୍ସର ବେସାମରିକ ବିମାନ ଚଳାଚଳ କର୍ତ୍ତୃପକ୍ଷ କହିଛନ୍ତି, ବୋଇଂ ୭୬୭-୩୮୩ଇଆର ବିମାନଟି ନିଜର ଗନ୍ତବ୍ୟ ପଥରୁ ବିଚ୍ୟୁତ ହୋଇ ଦକ୍ଷିଣ ଫିଲିପାଇନ୍ସର ଡାଭାଓ ଅନ୍ତର୍ଜାତୀୟ ବିମାନବନ୍ଦରରେ ଅବତରଣ କରିଥିଲା। ବିମାନରେ ୧୩୭ ଜଣ ଯାତ୍ରୀ ଏବଂ ନଅ ଜଣ କ୍ରୁ ସଦସ୍ୟଙ୍କୁ ଜରୁରୀକାଳୀନ ସ୍ଲାଇଡ୍ ମାଧ୍ୟମରେ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଥିଲା। ଯାତ୍ରୀ ଏବଂ କ୍ରୁ ସଦସ୍ୟମାନଙ୍କୁ ବିମାନବନ୍ଦର ଟର୍ମିନାଲକୁ ନିଆଯାଇ ହୋଟେଲରେ ରହିବା ବ୍ୟବସ୍ଥା କରାଯାଇଥିଲା।
ସୁରକ୍ଷା ପ୍ରକ୍ରିୟା ଅନୁସରଣ କରାଯାଇ ଅବତରଣ
ପାଇଲଟ ବିମାନର ଡାହାଣ ଇଞ୍ଜିନରେ ସ୍ପାର୍କିଂ ଚିହ୍ନଟ କରିବା ପରେ ବିମାନ ବନ୍ଦର ସହିତ ଯୋଗାଯୋଗ କରିଥିଲେ। ଫିଲିପାଇନ୍ସର ବେସାମରିକ ବିମାନ ଚଳାଚଳ କର୍ତ୍ତୃପକ୍ଷଙ୍କ ମୁଖପାତ୍ର ଏରିକ୍ ଆପୋଲୋନିଓ କହିଛନ୍ତି, ସୁରକ୍ଷା ପ୍ରକ୍ରିୟା ଅନୁସରଣ କରାଯାଇ ଅବତରଣ ପାଇଁ ଅନୁମତି ପ୍ରଦାନ କରାଯାଇଥିଲା।
ବିମାନର କୌଣସି କ୍ଷତି ହୋଇଥିବା ରିପୋର୍ଟ ମିଳିନାହିଁ। ଜରୁରୀକାଳୀନ ପରିସ୍ଥିତିର ମୁକାବିଲା ପାଇଁ ଡାଭାଓ ବିମାନବନ୍ଦରକୁ ଅନ୍ୟ ବିମାନ ପାଇଁ ବନ୍ଦ କରିଦିଆଯାଇଥିଲା, ଯାହା ଫଳରେ ଦୁଇଟି ଘରୋଇ ବିମାନ ଆସୁଥିବାକୁ ବାତିଲ କରାଯାଇଥିଲା। ଫିଲିପାଇନ୍ସର ବେସାମରିକ ବିମାନ ଚଳାଚଳ କର୍ତ୍ତୃପକ୍ଷଙ୍କ ଅନୁଯାୟୀ, ସୁରକ୍ଷା ଯାଞ୍ଚ ସମାପ୍ତ ହେବା ପରେ ମୁଖ୍ୟ ରନୱେକୁ ପୁଣି ଖୋଲାଯାଇଥିଲା।
What's Your Reaction?