ସୁରକ୍ଷା ପରିଷଦରେ ଭାରତର ସ୍ଥାୟୀ ସଦସ୍ୟତା ପ୍ରସଙ୍ଗ, କଫି କ୍ଲବକୁ ସମର୍ଥନ କରି ଭାରତକୁ ବିରୋଧ କଲା ପାକିସ୍ତାନ

ଇଫତିକାର ଅହମ୍ମଦ ‘ୟୁନାଇଟିଂ ଫର୍ କନସେନ୍ସସ୍’ ଗୋଷ୍ଠୀ ବିଷୟରେ ଉଲ୍ଲେଖ କରି କହିଛନ୍ତି ଯେ, ଏହା ଅଧିକ ନିର୍ବାଚିତ ସଦସ୍ୟଙ୍କ ସହିତ ଏକ ପରିଷଦ ପାଇଁ ସମର୍ଥନ କରେ। କଫି କ୍ଲବ୍ ଭାବରେ ଜଣାଶୁଣା ଏହି ୧୨-ରାଷ୍ଟ୍ରୀୟ ଗୋଷ୍ଠୀ ଜାତିସଂଘ ସୁରକ୍ଷା ପରିଷଦରେ ସ୍ଥାୟୀ ସଦସ୍ୟଙ୍କ ସଂଖ୍ୟା ବୃଦ୍ଧିକୁ ବିରୋଧ କରେ। ଏହି ଗୋଷ୍ଠୀରେ ପାକିସ୍ତାନ ସହିତ ତୁର୍କୀ, ଇଟାଲୀ, କାନାଡା ଏବଂ ଦକ୍ଷିଣ କୋରିଆ ଭଳି ଦେଶ ଅନ୍ତର୍ଭୁକ୍ତ ଅଛନ୍ତି। ଗତ ମାସରେ ଜାତିସଂଘ ସାଧାରଣ ପରିଷଦ ଅଧିବେଶନ ସମୟରେ, ଏହି ଗୋଷ୍ଠୀ ସ୍ଥାୟୀ ସଦସ୍ୟଙ୍କ ବିସ୍ତାରକୁ ବିରୋଧ କରି ଏକ ବିବୃତି ଜାରି କରିଥିଲା। 

ଜାତିସଂଘ ସୁରକ୍ଷା ପରିଷଦରେ ସ୍ଥାୟୀ ସଦସ୍ୟଙ୍କ ସଂଖ୍ୟା ବୃଦ୍ଧି କରିବା ପାଇଁ ଭାରତର ଦାବିକୁ ପାକିସ୍ତାନ ପୁଣି ଥରେ ବିରୋଧ କରିଛି। ଭାରତର ନାମ ନ ନେଇ, ଜାତିସଂଘରେ ପାକିସ୍ତାନର ରାଷ୍ଟ୍ରଦୂତ ଅସୀମ ଇଫତିକାର ଅହମ୍ମଦ କହିଛନ୍ତି ଯେ, ଇସଲାମାବାଦ ଜାତିସଂଘ ସୁରକ୍ଷା ପରିଷଦରେ ନୂତନ ସ୍ଥାୟୀ ସଦସ୍ୟଙ୍କୁ ସାମିଲ କରିବାକୁ ବିରୋଧ କରେ। ସେ ଅସ୍ଥାୟୀ ସଦସ୍ୟଙ୍କ ସଂଖ୍ୟା ବୃଦ୍ଧିକୁ ସମର୍ଥନ କରିଥିଲେ। ଇଫତିକାର ଅହମ୍ମଦଙ୍କୁ ପାକିସ୍ତାନର ନୂତନ ବୈଦେଶିକ ସଚିବ ଭାବରେ ନିଯୁକ୍ତ କରାଯାଇଛି। ସେ ଆସନ୍ତା ସପ୍ତାହରେ ଏହି ପଦବୀ ଗ୍ରହଣ କରିବାର କାର୍ୟ୍ୟକ୍ରମ ରହିଛି।ପାକିସ୍ତାନୀ ଖବରକାଗଜ ଡନ୍ ସହ କଥାବାର୍ତ୍ତା କରି ଇଫତିଖାର ଅହମ୍ମଦ କହିଛନ୍ତି, ସାମ୍ପ୍ରତିକ ବର୍ଷଗୁଡ଼ିକରେ ଶାନ୍ତି ଏବଂ ସୁରକ୍ଷାର ବାତାବରଣ ଏବଂ ସୁରକ୍ଷା ପରିଷଦରେ ସଦସ୍ୟ ରାଷ୍ଟ୍ରଙ୍କ ଏକ ବୃହତ ସଂଖ୍ୟାଗରିଷ୍ଠତାର ବିଶ୍ୱାସକୁ ଦୃଢ଼ କରିଛି ଯେ, ଆମକୁ ଏକ ଅଧିକ ଗଣତାନ୍ତ୍ରିକ, ପ୍ରତିନିଧିତ୍ୱପୂର୍ଣ୍ଣ ଏବଂ ଦାୟିତ୍ୱବାନ ସୁରକ୍ଷା ପରିଷଦର ଆବଶ୍ୟକତା ଅଛି। ସେ କହିଛନ୍ତି, ନୂତନ ସ୍ଥାୟୀ ସଦସ୍ୟ ଯୋଡ଼ିବା ଦ୍ୱାରା ସମସ୍ୟାର ସମାଧାନ ହେବ ନାହିଁ। କୌଣସି ନୂତନ ସ୍ଥାୟୀ ସଦସ୍ୟଙ୍କ ସାମିଲ ସମସ୍ୟାକୁ ଆହୁରି ବଢ଼ାଇବ। 

ଇଫତିକାର ଅହମ୍ମଦ ‘ୟୁନାଇଟିଂ ଫର୍ କନସେନ୍ସସ୍’ ଗୋଷ୍ଠୀ ବିଷୟରେ ଉଲ୍ଲେଖ କରି କହିଛନ୍ତି ଯେ, ଏହା ଅଧିକ ନିର୍ବାଚିତ ସଦସ୍ୟଙ୍କ ସହିତ ଏକ ପରିଷଦ ପାଇଁ ସମର୍ଥନ କରେ। କଫି କ୍ଲବ୍ ଭାବରେ ଜଣାଶୁଣା ଏହି ୧୨-ରାଷ୍ଟ୍ରୀୟ ଗୋଷ୍ଠୀ ଜାତିସଂଘ ସୁରକ୍ଷା ପରିଷଦରେ ସ୍ଥାୟୀ ସଦସ୍ୟଙ୍କ ସଂଖ୍ୟା ବୃଦ୍ଧିକୁ ବିରୋଧ କରେ। ଏହି ଗୋଷ୍ଠୀରେ ପାକିସ୍ତାନ ସହିତ ତୁର୍କୀ, ଇଟାଲୀ, କାନାଡା ଏବଂ ଦକ୍ଷିଣ କୋରିଆ ଭଳି ଦେଶ ଅନ୍ତର୍ଭୁକ୍ତ ଅଛନ୍ତି। ଗତ ମାସରେ ଜାତିସଂଘ ସାଧାରଣ ପରିଷଦ ଅଧିବେଶନ ସମୟରେ, ଏହି ଗୋଷ୍ଠୀ ସ୍ଥାୟୀ ସଦସ୍ୟଙ୍କ ବିସ୍ତାରକୁ ବିରୋଧ କରି ଏକ ବିବୃତି ଜାରି କରିଥିଲା।

ଇଫତିଖାର ଅହମ୍ମଦ କହିଛନ୍ତି, ପାକିସ୍ତାନ ଏବଂ ଅନ୍ୟ ଦେଶ ସୁରକ୍ଷା ପରିଷଦରେ ଯୋଗଦାନ ଦେଇ ଅନ୍ତର୍ଜାତୀୟ ଶାନ୍ତି ଏବଂ ସୁରକ୍ଷା ବଜାୟ ରଖିବା ପାଇଁ ସମ୍ପୂର୍ଣ୍ଣ ଯୋଗ୍ୟ ଅଟନ୍ତି। ସେ କହିଛନ୍ତି, ସଦସ୍ୟ ଦେଶଗୁଡ଼ିକ କୌଣସି ସ୍ଥାୟୀ ସଦସ୍ୟତା କିମ୍ବା ସୁବିଧା ବିନା ସେହି ଦାୟିତ୍ୱ ବହନ କରିବାକୁ ପ୍ରସ୍ତୁତ ରହିବା ଉଚିତ୍।