ବ୍ରାଜିଲରେ ଭୟଙ୍କର ବିମାନ ଦୁର୍ଘଟଣା, ୧୦ ମୃତ

ଦକ୍ଷିଣବ୍ରାଜିଲ ଗ୍ରାମାଡୋରେ ଘଟିଛି ଭୟଙ୍କର ବିମାନ ଦୁର୍ଘଟଣା। ଫଳରେ ବିମାନରେ ଥିବା ସମସ୍ତ ୧୦ ଯାତ୍ରୀଙ୍କର ମୃତ୍ୟୁ ହୋଇଥିବା ମିଳିଛି ସୂଚନା ।ତେବେ ଦୁର୍ଘଟଣାର କାରଣ ଜଣାପଡ଼ିନଥିବାବେଳେ ଘନ କୁହୁଡ଼ି ଯୋଗୁଁ ଏପରି ଘଟଣା ଘଟିଥିବା କରାଯାଉଛି ଅନୁମାନ।ସୂଚନା ଅନୁଯାୟୀ,  ନିଜ ପରିବାର ସହ କ୍ରିସମାସ ପାଳନ ପାଇଁ ରିଓ ଗ୍ରାଣ୍ଡେ ଡୋ ସୁଲ୍ ନାମକ ପର୍ଯ୍ୟଟନ ସ୍ଥଳୀ ଅଭିମୁଖେ ଯାଉଥିଲେ ବ୍ରାଜିଲର ଜଣେ ୬୧ ବର୍ଷୀୟ ବ୍ୟବସାୟୀ। ସେ ନିଜେ ହିଁ କରୁଥିଲେ ବିମାନର ପରିଚାଳନା ।ମାତ୍ର ବିମାନଟି ଦକ୍ଷିଣ ବ୍ରାଜିଲ୍‌ ଗ୍ରାମାଡ଼ୋରେ ଉଡ଼ୁଥିବା ବେଳେ ପ୍ରଥମେ ଏକ ଘରର ଚିମିନିରେ ହୋଇଥିଲା ଧକ୍କା । ଏହାପରେ ଭାରସାମ୍ୟ ହରାଇ ତାହା ଅନ୍ୟ ଏକ କୋଠାର ଦ୍ୱିତୀୟ ମହଲାରେ ପିଟି ହୋଇ ଏକ ରେସ୍ତୁରାଁ ଉପରେ ପଡ଼ି ଯାଇଥିଲା।  ବିମାନଟି ଜନବସତି ଅଞ୍ଚଳରେ ଖସି ପଡ଼ିବାରୁ ପ୍ରାୟ ୧୭ ଜଣ ହୋଇଛ ଆହତ ନ୍ତି। ସେମାନଙ୍କୁ ହାସପାତାଳରେ ଭର୍ତ୍ତି କରାଯାଇଥିବା ବେଳେ ସଙ୍କଟାପନ୍ନ ରହିଛି କିଛି ଜଣଙ୍କ ଅବସ୍ଥା ।