ଅମିତାଭ ନୁହଁନ୍ତି ଜୟାଙ୍କ ପ୍ରଥମ ପ୍ରେମ । 

ମେଗାଷ୍ଟାର ଅମିତାଭ ବଚ୍ଚନ  ଏବଂ ଜୟା ବଚ୍ଚନ ସେମାନଙ୍କ ସମ୍ପର୍କରେ ଏକ ଦୀର୍ଘ ଦୂରତା ଅତିକ୍ରମ କରିଛନ୍ତି । ଏହା ମଧ୍ୟ ସମସ୍ତଙ୍କୁ ଜଣା ଯେ ରେଖା ଏବଂ ଅମିତାଭଙ୍କ ପ୍ରେମ ସମ୍ପର୍କ ଉଭୟଙ୍କ ଦାମ୍ପତ୍ୟ ଜୀବନରେ କେଉଁ ଭଳି ଝଡ଼ ସୃଷ୍ଟି କରିଥିଲା । କିନ୍ତୁ ଖୁବ୍ କମ୍ ଲୋକ ଜାଣନ୍ତି ଯେ ଜୟା ବଚ୍ଚନଙ୍କ ପ୍ରଥମ ପ୍ରେମ ମଧ୍ୟ ଅମିତାଭ ବଚ୍ଚନ ନୁହଁନ୍ତି। ଯେତେବେଳେ ସେ ଚଳଚ୍ଚିତ୍ର ଜଗତରେ ପ୍ରବେଶ କଲେ, ସେତେବେଳେ ସେ ଅନ୍ୟ ଏକ ତାରକାଙ୍କୁ ପ୍ରେମ କରିଥିଲେ । ତେବେ ଆପଣ ଜାଣନ୍ତି କି ବଲିଉଡର ଏହି ଗୁଡି ଆରମ୍ଭରୁ କାହା ପ୍ରେମରେ ପଡିଥିଲେ? ଏହି ଅଭିନେତା ଧର୍ମେନ୍ଦ୍ରଙ୍କ ବ୍ୟତୀତ ଆଉ କେହି ନୁହଁନ୍ତି, ଯାହାଙ୍କ ସହ ଜୟା ବଚ୍ଚନ ପ୍ରଥମେ ଗୁଡ଼ି ଫିଲ୍ମରେ ନଜର ଆସିଥିଲେ। ସେବେଠାରୁ ସେ ଧର୍ମେନ୍ଦ୍ରଙ୍କୁ ଭଲପାଇ  ବସିଥିଲେ ।  ସେ ନିଜେ କଫି ୱିଦ୍ କରଣ ଶୋ’ରେ ସ୍ୱୀକାର କରିଛନ୍ତି ଯେ ସେ ଧର୍ମେନ୍ଦ୍ରଙ୍କୁ ପସନ୍ଦ କରନ୍ତି। ସେ କହିଥିଲେ, “ମୁଁ ଧର୍ମେନ୍ଦ୍ରଙ୍କୁ ଭଲ ପାଏ”। ଆହୁରି ମଧ୍ୟ ସେ କହିଛନ୍ତି ଯେ ସେ ଧର୍ମେନ୍ଦ୍ରଙ୍କ ସହ ତାଙ୍କର ପ୍ରଥମ ସାକ୍ଷାତକୁ ସେ କେବେ ଭୁଲି ପାରିବେ ନାହିଁ । ତାଙ୍କୁ ଭେଟିବା ପୂର୍ବରୁ ସେ ଏକ ସୋଫା ପଛରେ ଲୁଚି ରହିଥିଲେ । ଯେଉଁଠାରୁ ସେ ଧର୍ମେନ୍ଦ୍ରଙ୍କ ଝଲକ ଦେଖିଥିଲେ। ସେ ଧଳା ସାର୍ଟ ଏବଂ ଟ୍ରାଉଜରରେ ଥିଲେ । ଜୟା ବଚ୍ଚନ କହିଛନ୍ତି ଯେ ସେତେବେଳେ ସେ ଜଣେ ଗ୍ରୀକ୍ ଭଗବାନ ପରି ଦେଖାଯାଉଥିଲେ। ସେ କହିଥିଲେ ଯେ ପ୍ରଥମ ଥର ପାଇଁ ସେ ଏପରି ସୁନ୍ଦର ବ୍ୟକ୍ତିଙ୍କୁ ଦେଖିଥିଲେ। ନିକଟରେ ଧର୍ମେନ୍ଦ୍ର ଏବଂ ଜୟା ବଚ୍ଚନ ପୁଣି ଏକାଠି କାମ କରିଛନ୍ତି। ଉଭୟଙ୍କୁ ରକି ଔର ରାନୀ କି ପ୍ରେମ କାହାଣୀରେ ଏକାଠି ଦେଖିବାକୁ ମିଳିଥିଲା । ଏହା ବ୍ୟତୀତ ଗୁଡ଼ି, ଚୁପକେ ଚୁପକେ ଏବଂ ଶୋଲେ ଭଳି ସିନେମାରେ ଦୁହେଁ ଏକାଠି କାମ କରିଛନ୍ତି।