ତିନି ମାସରୁ ଅଧିକ ବୟସର ପିଲାକୁ ପୋଷ୍ୟ ଗ୍ରହଣ କରୁଥିବା ମହିଳା ମଧ୍ୟ ମାତୃତ୍ୱ ଛୁଟି ପାଇବାକୁ ହକଦାର : ସର୍ବୋଚ୍ଚଅଦାଲତ

ପୋଷ୍ୟ ଭାବେ ଶିଶୁ ଗ୍ରହଣ କରୁଥିବା ମହିଳାମାନଙ୍କ ସମ୍ପର୍କରେ ଏକ ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି ସର୍ବୋଚ୍ଚଅଦାଲତ।ଅଦାଲତ ରାୟରେ କହିଛନ୍ତି ଯେ,ପାଳିତ ମାଆମାନଙ୍କୁ ପ୍ରସବକାଳୀନ ଛୁଟିରୁ କରାଯାଇପାରିବ ନାହିଁ ବଞ୍ଚିତ । ପ୍ରସବ କରୁଥିବା ମା’ମାନଙ୍କ ପରି ପାଳିତ ମା’ମାନଙ୍କର ମଧ୍ୟ ରହିଛି ସମାନ ଅଧିକାର । ତିନି ମାସରୁ ଅଧିକ ବୟସର ପିଲାମାନଙ୍କୁ ଗ୍ରହଣ କରୁଥିବା ମହିଳାମାନଙ୍କୁ ଦିଆଯିବ ପ୍ରସବକାଳୀନ ଛୁଟି।ପ୍ରସବକାଳୀନ ସୁରକ୍ଷା ଏକ ମୌଳିକ ମାନବିକ ଅଧିକାର।ତେଣୁ କେନ୍ଦ୍ର ସରକାରଙ୍କୁ ପିତୃତ୍ୱ ଛୁଟି ନୀତି କାର୍ଯ୍ୟକାରୀ କରିବା ବିଷୟରେ ବିଚାର କରିବାକୁ ଅନୁରୋଧ କରିଛନ୍ତି ସର୍ବୋଚ୍ଚଅଦାଲତ।