ଯୋଗୀ ଆଦିତ୍ୟନାଥଙ୍କୁ ହାଥରସ ଦଳାଚକଟା ଘଟଣାରେ ଦିଆଗଲା ଏସଆଇଟି  ରିପୋର୍ଟ

ପ୍ରକାଶ ପାଇଛି ଉତ୍ତରପ୍ରଦେଶର ହାଥରସ ଦଳାଚକଟା ଘଟଣାରେ ଏସଆଇଟି ରିପୋର୍ଟ । ୟୁପି ଡିଜି ପ୍ରଶାନ୍ତ କୁମାର ଏବଂ ମୁଖ୍ୟ ସଚିବ ମନୋଜ କୁମାର ସିଂ ଶୁକ୍ରବାର ସକାଳେ କାଲିଦାସ ମାର୍ଗରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସରକାରୀ ବାସଭବନରେ ପହଞ୍ଚି ମୁଖ୍ୟମନ୍ତ୍ରୀଙ୍କୁ ଭେଟି ଏସଆଇଟିର ୧୫ ପୃଷ୍ଠାର ରିପୋର୍ଟ ଦେଇଥିବା ନେଇ ସୂଚନା ରହିଛି । ଏଡିଜି ଆଗ୍ରା ଏବଂ ଆଲିଗଡ କମିଶନରଙ୍କ ନେତୃତ୍ୱରେ ଏସଆଇଟିର ପ୍ରସ୍ତୁତ କରାଯାଇଛି ଏହି ରିପୋର୍ଟ । ୧୫ ପୃଷ୍ଠାର ଏହି ବିସ୍ତୃତ ରିପୋର୍ଟରେ, ଡିଏମ ଏବଂ ଏସପି ସମେତ ପ୍ରାୟ ୧୦୦  ଜଣଙ୍କ ବିବୃତ୍ତି ରେକର୍ଡ କରାଯାଇଛି । ଏସଆଇଟି ଟିମ୍ ପ୍ରଶାସନିକ ଅଧିକାରୀ, ଘଟଣା ସହ ଜଡିତ ଲୋକ ଏବଂ ସେବା କର୍ମଚାରୀଙ୍କ ସହ କଥାବାର୍ତ୍ତା କରି ସମଗ୍ର ଦୁର୍ଘଟଣାର କାରଣ, ଆୟୋଜକଙ୍କ ବିଷୟରେ ଏବଂ ଅନ୍ୟାନ୍ୟ ସମ୍ପର୍କରେ ତଥ୍ୟ ସଂଗ୍ରହ କରିଥିଲେ । ରିପୋର୍ଟରେ କିଛି ରାଜନୈତିକ ବ୍ୟକ୍ତିଙ୍କ ନାମ ମଧ୍ୟ ଉଲ୍ଲେଖ କରାଯାଇଛି, ଯେଉଁମାନଙ୍କ ନିର୍ବାଚନରେ ​​ବାବାଙ୍କ ଭୂମିକା ଗୁରୁତ୍ୱପୂର୍ଣ୍ଣ ଥିଲା। ଏହା ବ୍ୟତୀତ ପ୍ରତ୍ୟେକ ବିଷୟରେ ଉଲ୍ଲେଖ କରାଯାଇଛି ଯେଉଁଥିରେ ଏହି ବାବାଙ୍କର ସମ୍ପର୍କ ରହିଛି ।