ରାମ ମନ୍ଦିର ନିକଟରେ ବାଣିଜ୍ୟିକ କାର୍ଯ୍ୟକଳାପକୁ ଅନୁମତି ମିଳିବ ନାହିଁ

କୌଣସି ବାଣିଜ୍ୟିକ କାର୍ଯ୍ୟକଳାପକୁ ଅନୁମତି ମିଳିବ ନାହିଁ ରାମ ମନ୍ଦିର ନିକଟରେ ।ନିକଟବର୍ତ୍ତୀ ଗାଁ ମଞ୍ଜା ଜାମଥାରାରେ ମଲ୍, ହୋଟେଲ, ସପିଂ କମ୍ପ୍ଲେକ୍ସ ଓ ଟାଉନସିପ୍କୁ ମିଳିବ ନାହିଁ ସ୍ଥାନ । ଅଯୋଧ୍ୟା ମାଷ୍ଟର ପ୍ଲାନ-୨୦୩୧ ଅନୁଯାୟୀ ଏହି ଅଞ୍ଚଳ ଏକ ଲ୍ୟାଣ୍ଡୟୁଜ୍ ପାର୍କ ଏବଂ ଖୋଲା ସ୍ଥାନ। ଏହା ଅନୁଯାୟୀ ଅଯୋଧ୍ୟା ଉନ୍ନୟନ କର୍ତ୍ତୃପକ୍ଷ ଏବେ ଚୌଦହକୋସି, ପଞ୍ଚକୋସି ଏବଂ ବନ୍ଧ ମାର୍ଗ ମଧ୍ୟରେ ଅବସ୍ଥିତ ମାଞ୍ଜା ଜାମଥ୍ରା ଗ୍ରାମର ଜମିରେ ପାର୍କ, ଖେଳ ପଡ଼ିଆ, କ୍ରୀଡ଼ା ପ୍ରଶିକ୍ଷଣ କେନ୍ଦ୍ର, କ୍ରୀଡ଼ା କମ୍ପ୍ଲେକ୍ସ, କାରାଭାନ ପାର୍କ, ପିକ୍ନିକ୍ ସ୍ପଟ୍ ଇତ୍ୟାଦି ନିର୍ମାଣ ପାଇଁ ଦାଖଲ କରାଯାଇଥିବା ମାନଚିତ୍ରକୁ କରିବେ ଅନୁମୋଦନ  ।ବିଲ୍ଡିଂ ନିର୍ମାଣ ଏବଂ ଉନ୍ନୟନ ଉପନିୟମ ଅନୁଯାୟୀ, ପାର୍କ ଏବଂ ଖୋଲା ଜାଗା ଜମି ବ୍ୟବହାର ପାଇଁ ନିର୍ଦ୍ଧାରିତ ଜମି କଭର ନିୟମ ୨.୫% ଏବଂ ଏଫ୍ଏଆର୍ -୦.୦୨୫ ପ୍ରଯୁଜ୍ୟ। ଏ ନେଇ ଏଡିଏ ସମ୍ପାଦକ ସତ୍ୟେନ୍ଦ୍ର ସିଂହ ଦେଇଛନ୍ତି ସୂଚନା । ଅନ୍ୟ କୌଣସି ବାଣିଜ୍ୟିକ କାର୍ଯ୍ୟକଳାପ, ମଲ୍, ସପିଂ କମ୍ପ୍ଲେକ୍ସ, ହୋଟେଲ, ଟାଉନସିପ୍ ଇତ୍ୟାଦିର ମାନଚିତ୍ର ଏଠାରେ ହୋଇପାରିବ ନାହିଁ ଅନୁମୋଦିତ । ଅଯୋଧ୍ୟାର ମନଝା ଜାମଥ୍ରା ଗ୍ରାମରେ ଏକ ଭାରତୀୟ ମନ୍ଦିର ସ୍ଥାପତ୍ୟ ସଂଗ୍ରହାଳୟ ପ୍ରତିଷ୍ଠା ପାଇଁ ରହିଛି ପ୍ରସ୍ତାବ । ଏହି ସଂଗ୍ରହାଳୟ ନିର୍ମାଣ ପାଇଁ ମଞ୍ଜା ଜାମଥ୍ରାର ୫୭ ନମ୍ବର ଗାଟାରୁ ନାଜୁଲ ଜମି ପର୍ଯ୍ୟଟନ ବିଭାଗକୁ କରାଯାଇଛି ଆବଣ୍ଟନ । ସଂଗ୍ରହାଳୟ ନିର୍ମାଣ ପାଇଁ ମଞ୍ଜା ଜାମଥ୍ରାର ୫୫ ଏକର ନାଜୁଲ ଜମିର ବ୍ୟବହାରକୁ ପରିବର୍ତ୍ତନ କରିବା ପାଇଁ ବର୍ତ୍ତମାନ ଚାଲିଛି କାର୍ଯ୍ୟ ।