କାଠ ବାକ୍ସରେ ଖଣିଜ ସମ୍ପଦର ନମୁନା ଧରି ବୁଲୁଛନ୍ତି ମୁନିର: ପ୍ରାକୃତିକ ସମ୍ପଦ ମାଧ୍ୟମରେ ସ୍ଥାୟୀ ବିକାଶ ଏବଂ ଶାନ୍ତି ସୁନିଶ୍ଚିତ କରିବା ନେଇ ସତର୍କତା

Nov 19, 2026 - 13:48
କାଠ ବାକ୍ସରେ ଖଣିଜ ସମ୍ପଦର ନମୁନା ଧରି ବୁଲୁଛନ୍ତି ମୁନିର: ପ୍ରାକୃତିକ ସମ୍ପଦ ମାଧ୍ୟମରେ ସ୍ଥାୟୀ ବିକାଶ ଏବଂ ଶାନ୍ତି ସୁନିଶ୍ଚିତ କରିବା ନେଇ ସତର୍କତା

ଭାରତ ଜାତିସଂଘ ସୁରକ୍ଷା ପରିଷଦରେ ପାକିସ୍ତାନ ସେନା ଉପରେ ଦେଶର ପ୍ରାକୃତିକ ସମ୍ପଦକୁ ବ୍ୟକ୍ତିଗତ ଲାଭ ପାଇଁ ବ୍ୟବହାର କରୁଥିବା ଅଭିଯୋଗ ଆଣିଛି। 

ଭାରତ ଜାତିସଂଘ ସୁରକ୍ଷା ପରିଷଦରେ ପାକିସ୍ତାନ ସେନା ଉପରେ ଦେଶର ପ୍ରାକୃତିକ ସମ୍ପଦକୁ ବ୍ୟକ୍ତିଗତ ଲାଭ ପାଇଁ ବ୍ୟବହାର କରୁଥିବା ଅଭିଯୋଗ ଆଣିଛି। ଭାରତ କହିଛି, ପାକିସ୍ତାନୀ ସାମରିକ ଶାସନ ଦେଶର ଖଣିଜ ସମ୍ପଦ ଉପରେ ନିୟନ୍ତ୍ରଣ ବଜାୟ ରଖିବା ପାଇଁ ରାଜନୈତିକ ଅସ୍ଥିରତା ଏବଂ ଆଞ୍ଚଳିକ ଉତ୍ତେଜନାକୁ ପ୍ରୋତ୍ସାହିତ କରୁଛି। ଏହି ସମୟରେ ଭାରତ ସେନା ମୁଖ୍ୟ ଅସୀମ ମୁନିରଙ୍କ କାଠ ବାକ୍ସ ସମ୍ପର୍କରେ ମଧ୍ୟ ଉଲ୍ଲେଖ କରିଛି। ବାକ୍ସରେ ସେ ବିଦେଶୀ ନେତାମାନଙ୍କୁ ଖଣିଜ ପଥର ଦେଖାଉଥିବା ଭାରତ ଅଭିଯୋଗ କରିଛି। 

ଯେକୌଣସି ଦେଶର ଖଣିଜ ପଦାର୍ଥ ପ୍ରକୃତରେ ଦେଶ ପାଇଁ ଏକ ପ୍ରାକୃତିକ ସମ୍ପତ୍ତି, କାରଣ ସେଗୁଡ଼ିକ ଶିଳ୍ପ, ଆଧୁନିକ ପ୍ରଯୁକ୍ତିବିଦ୍ୟା ଏବଂ ଦୈନନ୍ଦିନ ଆବଶ୍ୟକତାର ମେରୁଦଣ୍ଡ। କିନ୍ତୁ ପାକିସ୍ତାନୀ ସେନା ସେଗୁଡ଼ିକୁ ନିଜ ଲାଭ ପାଇଁ ବ୍ୟବହାର କରୁଛି। ଲାଇବେରିଆ ଦ୍ୱାରା ଆୟୋଜିତ ପ୍ରାକୃତିକ ସମ୍ପଦ ଏବଂ ସଂଘର୍ଷ ଉପରେ ଅନୁଷ୍ଠିତ ଜାତିସଂଘ ସୁରକ୍ଷା ପରିଷଦ ବୈଠକରେ ଏହି ପ୍ରସଙ୍ଗ ଉଠିଥିଲା। ପାକିସ୍ତାନୀ ପ୍ରତିନିଧିମଣ୍ଡଳ ଦ୍ୱାରା ଦିଆଯାଇଥିବା ମନ୍ତବ୍ୟର ଜବାବରେ ଜାତିସଂଘରେ ଭାରତର ସ୍ଥାୟୀ ପ୍ରତିନିଧି ଏବଂ ରାଷ୍ଟ୍ରଦୂତ ପାରାଭାଥନେନି ହରିଶ ଏହି ମନ୍ତବ୍ୟ ଦେଇଛନ୍ତି।

ବୈଠକରେ ସିନ୍ଧୁ ଜଳ ଚୁକ୍ତିନାମା ପ୍ରସଙ୍ଗ
ବୈଠକ ସମୟରେ, ପାକିସ୍ତାନୀ ପ୍ରତିନିଧି ଦଳ ସିନ୍ଧୁ ଜଳ ଚୁକ୍ତିନାମା ପ୍ରସଙ୍ଗ ଉଠାଇଥିଲେ। ଭାରତୀୟ ରାଷ୍ଟ୍ରଦୂତ ପାର୍ବଥନେନୀ ହରିଶ କହିଥିଲେ ଯେ, ଭାରତ ଦ୍ୱିପାକ୍ଷିକ ବିବାଦ ଉପରେ ଆଲୋଚନା କରିବା ପାଇଁ ଏହି ମଞ୍ଚକୁ ଆସିନାହିଁ। କିନ୍ତୁ ପାକିସ୍ତାନ ଏହି ବୈଠକକୁ ନିଜର ପ୍ରଚାର ପାଇଁ ବ୍ୟବହାର କରୁଛି। ଯାହାର ଜବାବ ଦେବାର ଆବଶ୍ୟକତା ରହିଛି। ସେ କହିଥିଲେ ଯେ, ସିନ୍ଧୁ ଜଳ ଚୁକ୍ତିନାମା ଉପରେ ଭାରତର ସ୍ଥିତି ସ୍ପଷ୍ଟ ଏବଂ ଅପରିବର୍ତ୍ତିତ ରହିଛି। ଭାରତ ବିଭିନ୍ନ ମଞ୍ଚରେ ଏହି ପ୍ରସଙ୍ଗରେ ନିଜର ସ୍ଥିତି ପ୍ରକାଶ କରିଛି।

ଉତ୍ତେଜନା ବୃଦ୍ଧିକୁ ପ୍ରାଥମିକତା
ସେ କହିଛନ୍ତି, ପାକିସ୍ତାନ ସେନା ହେଉଛି ଦେଶର ପ୍ରକୃତ ନିଷ୍ପତ୍ତି ଗ୍ରହଣକାରୀ ଶକ୍ତି। ସେ ଅଭିଯୋଗ କରିଛନ୍ତି ଯେ, ସାମରିକ ନେତୃତ୍ୱ ସାଧାରଣ ପାକିସ୍ତାନୀଙ୍କ କଲ୍ୟାଣ ଅପେକ୍ଷା ନିଜ ସ୍ୱାର୍ଥ ଏବଂ ପଡ଼ୋଶୀ ଦେଶମାନଙ୍କ ସହିତ ଉତ୍ତେଜନା ବୃଦ୍ଧିକୁ ପ୍ରାଥମିକତା ଦେଉଛି। ସେ କହିଛନ୍ତି ଯେ,ଯଦି ଦେଶର ଶାସକ ସାମରିକ ବାହିନୀ ନିଜ ସମ୍ପତ୍ତି ବୃଦ୍ଧି କରିବା ଅପେକ୍ଷା ସାଧାରଣ ଲୋକଙ୍କ କଲ୍ୟାଣ ପାଇଁ ପ୍ରାକୃତିକ ସମ୍ପଦ ବ୍ୟବହାର କରନ୍ତି, ତେବେ ପାକିସ୍ତାନର ଲୋକମାନେ ଅଧିକ ଲାଭବାନ ହେବେ। ପାକିସ୍ତାନୀ ସାମରିକ ବାହିନୀ ପଡ଼ୋଶୀ ଦେଶମାନଙ୍କ ବିରୋଧରେ ବିବାଦକୁ ଉସୁକାଇବା ବନ୍ଦ କରିବା ଉଚିତ୍, କାରଣ ଏହା ଏବେ ପାକିସ୍ତାନକୁ ମଧ୍ୟ କ୍ଷତି ପହଞ୍ଚାଉଛି ବୋଲି ସେ ଚେତାବନୀ ଦେଇଛନ୍ତି।

ସ୍ଥାୟୀ ଶାନ୍ତି ସୁନିଶ୍ଚିତ କରିବା କଷ୍ଟକର
ଭାରତ କହିଛି ଯେ ପ୍ରାକୃତିକ ସମ୍ପଦର ଲାଭ ଖଣି ଖନନ ହେଉଥିବା ଅଞ୍ଚଳରେ ରହୁଥିବା ଲୋକଙ୍କ ପାଖରେ ମଧ୍ୟ ପହଞ୍ଚିବା ଉଚିତ୍। ସ୍ଥାନୀୟ ସମ୍ପ୍ରଦାୟର ଅଂଶଗ୍ରହଣ ବିନା, ଦକ୍ଷ ସମ୍ପଦ ପରିଚାଳନା ଏବଂ ସ୍ଥାୟୀ ଶାନ୍ତି ସୁନିଶ୍ଚିତ କରିବା କଷ୍ଟକର। ଏହି ପରିପ୍ରେକ୍ଷୀରେ, ଭାରତୀୟ ରାଷ୍ଟ୍ରଦୂତ ଭାରତର ଖଣି ଆଇନକୁ ଉଲ୍ଲେଖ କରି ବ୍ୟାଖ୍ୟା କରିଛନ୍ତି ଯେ ଭାରତରେ କମ୍ପାନିଗୁଡ଼ିକୁ ସ୍ଥାନୀୟ ସମ୍ପ୍ରଦାୟର ବିକାଶରେ ବିନିଯୋଗ କରିବାକୁ ଆଇନଗତ ଭାବରେ ବାଧ୍ୟତାମୂଳକ।

ବୈଠକରେ ଭାରତ ଜାତିସଂଘ ସୁରକ୍ଷା ପରିଷଦର ଭୂମିକା ଏବଂ ଦାୟିତ୍ୱ ଉପରେ ଗୁରୁତ୍ୱାରୋପ କରିଥିଲା। ଭାରତୀୟ ରାଷ୍ଟ୍ରଦୂତ କହିଥିଲେ ଯେ, ସୁରକ୍ଷା ପରିଷଦର ପ୍ରାଥମିକ ଦାୟିତ୍ୱ ହେଉଛି ଅନ୍ତର୍ଜାତୀୟ ଶାନ୍ତି ଏବଂ ସୁରକ୍ଷା ବଜାୟ ରଖିବା। ସ୍ଥାୟୀ ବିକାଶ ଏବଂ ପ୍ରାକୃତିକ ସମ୍ପଦ ପରିଚାଳନା ଭଳି ବ୍ୟାପକ ପ୍ରସଙ୍ଗଗୁଡ଼ିକ ଜାତିସଂଘ ସାଧାରଣ ସଭା, ଅର୍ଥନୈତିକ ଏବଂ ସାମାଜିକ ପରିଷଦ ଏବଂ ଅନ୍ୟାନ୍ୟ ପ୍ରାସଙ୍ଗିକ ସଂସ୍ଥାଗୁଡ଼ିକରେ ଆଲୋଚନା ହେବା ଉଚିତ୍। ଭାରତ କହିଛି ଯେ, ପ୍ରାକୃତିକ ସମ୍ପଦ ମାଧ୍ୟମରେ ସ୍ଥାୟୀ ବିକାଶ ଏବଂ ସ୍ଥାୟୀ ଶାନ୍ତି ସୁନିଶ୍ଚିତ କରିବା ପାଇଁ ସମସ୍ତ ଅଂଶୀଦାରଙ୍କ ସହ ନିଜର ଅଭିଜ୍ଞତା ଆଦାନପ୍ରଦାନ କରିବାକୁ ଏବଂ କାମ କରିବାକୁ ପ୍ରସ୍ତୁତ ଅଛି

What's Your Reaction?

like

dislike

love

funny

angry

sad

wow