ଜ୍ଞାନେଶ କୁମାରଙ୍କୁ ଘେରିଲେ ବିରୋଧୀ, ନିର୍ବାଚନ ଆୟୋଗ ବିଶ୍ୱାସ ହରାଇଥିବା ଅଭିଯୋଗ

ନିର୍ବାଚନ କମିଶନ  ଏସଆଇଆର  ମାମଲାରେ ବିବାଦ ମଧ୍ୟରେ ଫସିଥିବା ଭଳି ଦେଖାଯାଉଛି। ଏହି ମାମଲାରେ କଂଗ୍ରେସ ନେତା ଶଶି ଥରୁର ମଧ୍ୟ ପ୍ରତିକ୍ରିୟା ଦେଇଛନ୍ତି।

ସେ କହିଛନ୍ତି, “ନିର୍ବାଚନୀ ସଂସ୍ଥାଗୁଡ଼ିକର ଗୁରୁତ୍ୱକୁ ଦୃଷ୍ଟିରେ ରଖି ଉଠାଯାଇଥିବା ପ୍ରଶ୍ନଗୁଡ଼ିକୁ ସାର୍ବଜନୀନ ରେକର୍ଡରେ ରଖାଯିବା ଉଚିତ ଏବଂ ସେଗୁଡ଼ିକର ଉତ୍ତର ସ୍ୱଚ୍ଛତାର ସହ ଦିଆଯିବା ଉଚିତ।” 

 ମୁଖ୍ୟ ନିର୍ବାଚନ କମିସନର ଜ୍ଞାନେଶ କୁମାରଙ୍କୁ ନେଇ ଖବର ପ୍ରସାରଣ ପରେ ଏବେ ବିରୋଧୀ ଦଳ ଆକ୍ଟିଭ୍ ହୋଇଛି । ପୂର୍ବରୁ ଏନେଇ ବିରୋଧୀ ଦଳମାନେ ଅଭିଯୋଗ କରିଆସୁଥିଲେ ବି କେହି ଏହା ଉପରେ ଗୁରୁତ୍ୱ ଦେଉ ନଥିଲେ । କିନ୍ତୁ ଜାତୀୟ ଗଣମାଧ୍ୟମରେ ଏନେଇ ଖବର ପ୍ରସାରଣ ପରେ ନିର୍ବାଚନ ଆୟୋଗ ବିଶ୍ୱାସ ହରାଇଥିବା ବିରୋଧୀଦଳମାନେ ଅଭିଯୋଗ କରିଛନ୍ତି ।

କଂଗ୍ରେସ ନେତା ପୃଥ୍ୱୀରାଜ ଚଭାନ ନିର୍ବାଚନ କମିଶନ ମାମଲାକୁ ନେଇ କହିଛନ୍ତି, “ମୋତେ ଲାଗୁଛି, ଗତ ୧୨ ବର୍ଷ ମଧ୍ୟରେ ମୋଦୀ ସରକାର ବିରୋଧରେ ଆସିଥିବା ସବୁଠାରୁ ଗମ୍ଭୀର ଖବର ମଧ୍ୟରୁ ଏହା ଅନ୍ୟତମ। ଏହାକୁ ଗମ୍ଭୀରତାର ସହ ନିଆଯିବା ଉଚିତ। ନିର୍ବାଚନ କମିଶନ ଏକ ସାମ୍ବିଧାନିକ ସଂସ୍ଥା। ଏଥିରେ ୩ ଜଣ ସଦସ୍ୟ ରହିଛନ୍ତି। ଜଣେ ଅଧ୍ୟକ୍ଷ ଏବଂ ଅନ୍ୟ ଦୁଇଜଣ ସଦସ୍ୟ; ସମସ୍ତଙ୍କ ଅଧିକାର ସମାନ। ଆଇନ ଅନୁସାରେ ନିର୍ବାଚନ କମିଶନ ସାଧାରଣତଃ ସର୍ବସମ୍ମତିରେ ନିଷ୍ପତ୍ତି ନେବା ଉଚିତ। କିନ୍ତୁ ଯଦି ସହମତି ହୋଇନପାରେ, ତେବେ ବହୁମତ ଆଧାରରେ ନିଷ୍ପତ୍ତି ନିଆଯିବା ଉଚିତ।”

ନିର୍ବାଚନ କମିଶନ  ଏସଆଇଆର  ମାମଲାରେ ବିବାଦ ମଧ୍ୟରେ ଫସିଥିବା ଭଳି ଦେଖାଯାଉଛି। ଏହି ମାମଲାରେ କଂଗ୍ରେସ ନେତା ଶଶି ଥରୁର ମଧ୍ୟ ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି, “ନିର୍ବାଚନୀ ସଂସ୍ଥାଗୁଡ଼ିକର ଗୁରୁତ୍ୱକୁ ଦୃଷ୍ଟିରେ ରଖି ଉଠାଯାଇଥିବା ପ୍ରଶ୍ନଗୁଡ଼ିକୁ ସାର୍ବଜନୀନ ରେକର୍ଡରେ ରଖାଯିବା ଉଚିତ ଏବଂ ସେଗୁଡ଼ିକର ଉତ୍ତର ସ୍ୱଚ୍ଛତାର ସହ ଦିଆଯିବା ଉଚିତ।”

କଂଗ୍ରେସ ମହାସଚିବ ଜୟରାମ ରମେଶ କହିଛନ୍ତି, “ମୁଖ୍ୟ ନିର୍ବାଚନ କମିଶନର ନିର୍ବାଚନ କମିଶନର ବିଶ୍ୱସନୀୟତା ଏବଂ ସଚ୍ଚୋଟତାକୁ ନଷ୍ଟ କରିଦେଇଛନ୍ତି।”ଛତିଶଗଡ଼ର ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସ ନେତା ଭୂପେଶ ବଘେଲ କହିଛନ୍ତି, “କ୍ରମାଗତ ଭାବେ ନିର୍ବାଚନ କମିଶନ ଉପରେ ପ୍ରଶ୍ନ ଉଠୁଥିଲା। ସାରା ବିଶ୍ୱରେ ନିର୍ବାଚନ କମିଶନର ଏକ ପ୍ରତିଷ୍ଠା ଥିଲା, କିନ୍ତୁ ଏମାନେ ନିଜ କାର୍ୟ୍ୟକଳାପ ଯୋଗୁଁ ନିଜର ସମ୍ପୂର୍ଣ୍ଣ ଛବିକୁ ଖରାପ କରିଦେଇଛନ୍ତି। ରାହୁଲ ଗାନ୍ଧୀ କ୍ରମାଗତ ଭାବେ ଏହି ପ୍ରସଙ୍ଗ ଉଠାଉଛନ୍ତି। ଯେଉଁ ଯେଉଁ ସ୍ଥାନରେ ଜ୍ଞାନେଶ କୁମାର ନିର୍ବାଚନ କରାଇଛନ୍ତି, ସେଠାରେ ନିର୍ବାଚନ ବାତିଲ କରାଯାଇ ପୁଣିଥରେ ନିର୍ବାଚନ ହେବା ଉଚିତ।”