ଆତଙ୍କବାଦୀଙ୍କ ସହଯୋଗୀକୁ ଗିରଫ କରିଛନ୍ତି ସୁରକ୍ଷାବାହିନୀ 

ଅମରନାଥ ଯାତ୍ରା ମଧ୍ୟରେ ବାରାମୂଲାର ସୋପୋର ଅଞ୍ଚଳରେ ଜଣେ ସନ୍ଦିଗ୍ଧ ଆତଙ୍କବାଦୀଙ୍କ ସହଯୋଗୀକୁ ଗିରଫ କରିଛନ୍ତି ସୁରକ୍ଷାବାହିନୀ । ରବିବାର ବିଳମ୍ବିତ ରାତିରେ ବୋମଇ ଅଞ୍ଚଳର ମାଚୀପୋରା ଆଡ଼କୁ ଅଗ୍ରସର ହେଉଥିବା ଏକ ବାହନକୁ ଅଟକାଇଥିଲେ ପୁଲିସ, ସେନା ଓ ସିଆରପିଏଫର ଯବାନମାନେ। ଗାଡ଼ିର ଚାଳକ ଫେରାର ହେବାକୁ ଉଦ୍ୟମ କରୁଥିଲା ଘଟଣାସ୍ଥଳରୁ । କିନ୍ତୁ ଯବାନ ଟିମ୍ ତାକୁ କାବୁ କରିବାରେ ହୋଇଥିଲେ ସଫଳ । ଗିରଫ ଅଭିଯୁକ୍ତ ରଫିୟାବାଦ ନିବାସୀ ୱହୀଦ ଉଲ ଜହୁର। ବାହନରୁ ୨ଟି ତୁର୍କିୀ ନିର୍ମିତ ପିସ୍ତଲ, ୩ଟି ପତ୍ରିକା, ୪୧ ରାଉଣ୍ଡ ଗୁଳି, ଏକ ସାଇଲେନ୍ସର, ୨ଟି ଚୀନ ନିର୍ମିତ ଗ୍ରେନେଡ ଓ ଅନ୍ୟ ବିସ୍ଫୋରକ ସାମଗ୍ରୀ ଜବତ କରାଯାଇଛି। ସେନାର ଜଣେ ଅଧିକାରୀ କହିଛନ୍ତି, ଆତଙ୍କବାଦୀର ସହଯୋଗୀ ବିରୋଧରେ ମାମଲା ରୁଜୁ କରାଯିବା ସହ ତଦନ୍ତ ଜାରି ରହିବ। ଅମରନାଥ ଯାତ୍ରାକୁ ପ୍ରଭାବିତ କରିବା ପାଇଁ ଷଡ଼ଯନ୍ତ୍ର କରୁଛନ୍ତି ଆତଙ୍କବାଦୀମାନେ ।