ସେନା ବର୍ଦ୍ଦିରେ ପଠାନକୋଟରେ ନଜର ଆସିଲେ ୪ ଜଣ ସନ୍ଦିଗ୍ଧ

ସେନା ବର୍ଦ୍ଦିରେ ପଠାନକୋଟରେ ନଜର ଆସିଲେ ୪ ଜଣ ସନ୍ଦିଗ୍ଧ । ପଂଜାବ ସୀମାବର୍ତ୍ତୀ ପଠାନକୋଟର ମାମୁନ ନିକଟ ପଡ଼ିଆ ଲାହଡୀ ପାଖରେ ୪ ଜଣ ସନ୍ଦିଗ୍ଧ ରହିଥିବା ପୁଲିସକୁ ମିଳିଛି ସୂଚନା । ଏହାପରେ ପଂଜାବ ପୁଲିସ ଶୁକ୍ରବାର ପୂର୍ବାହ୍ଣ ଠାରୁ ଏହି ଅଞ୍ଚଳରେ ଜାରି ରଖିଛି ସର୍ଚ୍ଚଅପରେଶନ। ଜଣେ ଚାଷୀ କହିଛନ୍ତି, ଗୁରୁବାର-ଶୁକ୍ରବାର ରାତି ପ୍ରାୟ ୨ରୁ ୨ଟା ୩୦ ମଧ୍ୟରେ ସଡ଼କରେ ୪ ଜଣ ବ୍ୟକ୍ତି ବୁଲୁଥିବାର ଦେଖାଯାଇଥିଲା। ସନ୍ଦିଗ୍ଧ ବ୍ୟକ୍ତିମାନେ ସେନାର ବର୍ଦ୍ଦି ପିନ୍ଧିଥିଲେ। ମାମୁନକୁ ଯୋଡୁଥିବା ରାସ୍ତାରେ ଅନେକଗୁଡ଼ିଏ କୁକୁର ଥିବା ଜାଣିବା ପରେ ୪ ଜଣ ବ୍ୟକ୍ତି ଆଗକୁ ନଯାଇ ଯେଉଁ ରାସ୍ତାରେ ଆସିଥିଲେ, ସେହିରାସ୍ତା ଦେଇ ଫେରିଯାଇଥିଲେ। ତେବେ ଏହି ଘଟଣା ନେଇ ସୂଚନା ମିଳିବା ପରେ ପୁଲିସ ସର୍ଚ୍ଚ ଅପରେଶନ ଜାରି ରଖିଛି। ସନ୍ଦିଗ୍ଧ ବ୍ୟକ୍ତିମାନେଙ୍କର ସଂପର୍କରେ ଅଧିକ କିଛି ଖବର ମିଳିପାରି ନାହିଁ।