କିଛିଦିନ ପାଇଁ ଫିଲ୍ମ ଛାଡ଼ିଛନ୍ତି ଅଭିନେତ୍ରୀ କିଆରା ଆଡ଼ଭାନୀ

କିଛିଦିନ ପାଇଁ ଫିଲ୍ମ ଛାଡ଼ିଛନ୍ତି ଅଭିନେତ୍ରୀ କିଆରା ଆଡ଼ଭାନୀ। କାରଣ ତାଙ୍କ ଜୀବନ ଏବେ ଖୁସିରେ ପରିପୂର୍ଣ୍ଣ। ନିକଟରେ ଅଭିନେତ୍ରୀ ତାଙ୍କ ଗର୍ଭବତୀ ହେବାର ଖବର ବାଣ୍ଟିଥିଲେ ଗଣମାଧ୍ୟମ ଏବଂ ପ୍ରଶଂସକଙ୍କ ସହ । ଆଜିକାଲି ସେ ‘ଟକ୍ସିକ’ ଏବଂ ‘ଓ୍ବାର-୨’ ଫିଲ୍ମର ମଧ୍ୟ  କରୁଛନ୍ତି ଶୁଟିଂ। କିନ୍ତୁ କିଆରା କୌଣସି ବଡ଼ ଫ୍ରାଞ୍ଚାଇଜ ଫିଲ୍ମର ଅଂଶ ନୁହନ୍ତି। କିଆରା ଡନ୍‌-୩ ଫିଲ୍ମରୁ ନିଜକୁ ଦୂରେଇ ରଖିଛନ୍ତି।  କିଆରା ଏବେ ତାଙ୍କ ସ୍ବାସ୍ଥ୍ୟ ଉପରେ ଧ୍ୟାନ ଦେବାକୁ ଚାହୁଁଛନ୍ତି। ସ୍ବାମୀ ତଥା ଅଭିନେତା ସିଦ୍ଧାର୍ଥ ମାଲହୋତ୍ରା ଆଜିକାଲି କିଆରାଙ୍କର ଭଲ ଯତ୍ନ ନେଉଛନ୍ତି।କିଆରା ‘ଡନ୍‌-୩’ ଫିଲ୍ମ ଛାଡ଼ିବା ପରେ ଏହାର ନିର୍ମାତା ଏବେ ନୂଆ ନାୟିକା ଖୋଜିବା ଆରମ୍ଭ କରିଛନ୍ତି। ଫିଲ୍ମରେ କିଆରାଙ୍କ ସ୍ଥାନ ନେଇ ରଣବୀର ସିଂହଙ୍କ ବିପକ୍ଷରେ କେଉଁ ନାୟିକାଙ୍କୁ କାଷ୍ଟ କରାଯିବ ତାହା କିଛି ଦିନ ମଧ୍ୟରେ ଜଣାପଡ଼ିବ। ଏହି ଫିଲ୍ମରେ ବିକ୍ରାନ୍ତ ମେସି ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରୁଛନ୍ତି। 'ଡନ୍‌’ ସିରିଜର ଫିଲ୍ମଗୁଡ଼ିକୁ ଦର୍ଶକ ବହୁତ ପସନ୍ଦ କରିଛନ୍ତି। ଯଦି ଆମେ ଡନ୍‌ ସିରିଜର ଫିଲ୍ମ ବିଷୟରେ କଥା ହେବା, ତେବେ ଶାହରୁଖ ଖାନ ପ୍ରଥମ ଦୁଇଟି ଭାଗରେ ଡନ ଭୂମିକାରେ ଅଭିନୟ କରିଥିଲେ। ଏବେ ରଣବୀର ସିଂହ ‘ଡନ -୩’ରେ ଡନ୍‌ ଭୂମିକାରେ ନଜର ଆସିବେ। ରଣବୀର ସିଂହଙ୍କୁ ସୋସିଆଲ ମିଡିଆରେ ମଧ୍ୟ ଟ୍ରୋଲ କରାଯାଇଥିଲା କାରଣ ସେ କହୁଥିଲେ ଯେ, ସେ ଶାହରୁଖଙ୍କ ପରି ଡନ ଭୂମିକାରେ ଅଭିନୟ କରିପାରିବେ ନାହିଁ।