ପିଲାଦିନରୁ ବିବାହ କରିଛନ୍ତି ଭାରତର ୨୦ କୋଟି ମହିଳା
ଭାରତରେ ୨୦ କୋଟିରୁ ଅଧିକାଂଶ ମହିଳା ଅଛନ୍ତି ଯେଉଁମାନେ ପିଲାଦିନରୁ କରିଯାଇଛନ୍ତି ବିବାହ । ଏହି ସୂଚନା ମିଳିଛି ମିଳିତ ଜାତିସଂଘର ନିକଟକୁ ଆସିଥିବା ଏକ ରିପୋର୍ଟରେ । ଅନୁମାନ କରାଯାଏ ଯେ ସମଗ୍ର ବିଶ୍ୱରେ ୬.୪ କୋଟି ବାଳିକାଙ୍କର ୧୮ ବର୍ଷ ବୟସ ପୂର୍ବରୁ ହୋଇଯାଇଛି ବିବାହ । ଏହି ମାମଲାର ଏକ ତୃତୀୟାଂଶ କେବଳ ଭାରତର ଅଟନ୍ତି । ସତତ ବିକାଶ ଲକ୍ଷ୍ୟ ରିପୋର୍ଟ ୨୦୨୪ ଅନୁଯାୟୀ, ପ୍ରତି ପାଞ୍ଚ ଜଣ ଝିଅଙ୍କ ମଧ୍ୟରୁ ଜଣେ ୧୮ ବର୍ଷ ବୟସ ହେବା ପୂର୍ବରୁ କରୁଛନ୍ତି ବିବାହ । ଏବଂ ୨୫ ବର୍ଷ ବୟସ ପୂର୍ବରୁ ବିବାହ କରୁଥିବା ଝିଅଙ୍କ ସଂଖ୍ୟା ଚାରି ଜଣରୁ ଜଣେ । ସମୟ ପୂର୍ବରୁ ବିବାହକୁ ରୋକିବା ପାଇଁ ଅନେକ ସଂସ୍କାର କରାଯାଇଛି ଏବଂ ଗତ ତ୍ରୈମାସିକ ଶତାବ୍ଦୀରେ ରୋକାଯାଇଛି ୬୮ କୋଟି ବାଲ୍ୟ ବିବାହକୁ ।
ମିଳିତ ଜାତିସଂଘ ଦୁଃଖ ପ୍ରକାଶ କରିଛି ଯେ ପ୍ରଗତି ସତ୍ତ୍ୱେ ପଛରେ ପଡିଛି ବିଶ୍ୱ ଲିଙ୍ଗଗତ ସମାନତା । ସାମ୍ନାକୁ ଆସିଛି ମହିଳାଙ୍କ ପ୍ରତି ହେଉଥିବା ହିଂସା ମାମଲା । ଅନେକ ମହିଳାଙ୍କୁ ସାମ୍ନା କରିବାକୁ ପଡ଼ୁଛି ଯୌନ ଏବଂ ପ୍ରଜନନ ସ୍ୱାସ୍ଥ୍ୟର ଅଭାବ ଭଳି ସମସ୍ୟା । ସାମ୍ପ୍ରତିକ ପରିସ୍ଥିତିକୁ ଦେଖିଲେ ପୁରୁଷ ଏବଂ ମହିଳାଙ୍କ ମଧ୍ୟରେ ସମାନତା ଆଣିବାକୁ ୧୭୬ ବର୍ଷ ଲାଗିବ । ଏହି ରିପୋର୍ଟରେ ଆହୁରି ମଧ୍ୟ କୁହାଯାଇଛି ଯେ ସମଗ୍ର ବିଶ୍ୱରେ ପରିସ୍ଥିତିକୁ ସୁଦୃଢ କରିବା ପାଇଁ ମିଳିତ ଜାତିସଂଘ ଦ୍ୱାରା ସ୍ଥିର ହୋଇଥିବା ୧୬୯ ଟି ଲକ୍ଷ୍ୟ ମଧ୍ୟରୁ ୨୦୩୦ ସୁଦ୍ଧା କେବଳ ୧୭ ପ୍ରତିଶତ ହାସଲ ହୋଇପାରିବ ।
ମିଳିତ ଜାତିସଂଘର ମହାସଚିବ ଆଣ୍ଟୋନିଓ ଗୁଟେରସଙ୍କ ଅନୁଯାୟୀ ଏହି ରିପୋର୍ଟକୁ ଦେଖି ଆଶା କରାଯାଉଛି ଯେ ୨୦୩୦ ସୁଦ୍ଧା ଏଜେଣ୍ଡା ସମାପ୍ତ ହେବ, କିନ୍ତୁ ଏଥିପାଇଁ ଆମର ଉଦ୍ୟମକୁ ଆହୁରି ଦୃଢ କରିବାକୁ ହେବ। ଯଦି ଆମେ ରିପୋର୍ଟର ମୂଲ୍ୟାଙ୍କନ ବିଷୟରେ କହିବା, କେବଳ ୧୭ ପ୍ରତିଶତ କାର୍ଯ୍ୟରେ ପ୍ରଗତି ଦେଖାଯାଉଛିା ଗୁଟେରସ୍ ବାର୍ଷିକ ରିପୋର୍ଟ ପ୍ରକାଶ କରି କହିଛନ୍ତି ଯେ ଏହି ରିପୋର୍ଟ ଦର୍ଶାଉଛି ଯେ ବିଶ୍ୱକୁ ଶୀଘ୍ର ବିଫଳତା ମିଳିଯିବ ।
What's Your Reaction?