୭୧ ବର୍ଷୀୟ ସୁନ୍ଦରୀ ମରିସା ତେଇଜୋ

 ଯେତେବେଳେ ଜଣେ ବ୍ୟକ୍ତି ସ୍ଥିର କରେ ଯେ ସେ ତାଙ୍କ ଜୀବନରେ କିଛି କରିବାକୁ ଚାହୁଁଛନ୍ତି, ତେବେ କୌଣସି ବୟସ ସୀମା ତାଙ୍କୁ ଅଟକାଇ ପାରିବ ନାହିଁ। ଆମେରିକାର ୭୧ ବର୍ଷ ବୟସ୍କା ମହିଳା ଏହାର ଏକ ଉଦାହରଣ ସୃଷ୍ଟି କରିଛନ୍ତି। ଏହି ମହିଳାଙ୍କ ନାମ ମରିସା ତେଇଜୋ। ମାରିସା ତେଇଜୋଙ୍କ ସ୍ବପ୍ନ ଥିଲା ମିସ ଟେକ୍ସାସ ୟୁଏସରେ ଅଂଶଗ୍ରହଣ କରିବା ଏବଂ ଶେଷରେ ସେ ତାଙ୍କ ସ୍ବପ୍ନକୁ ସାକାର କରିବାରେ ହୋଇଥିଲେ ସଫଳ।ତେଇଜୋ ଅନ୍ୟ ୭୫ମହିଳାଙ୍କ ସହ ମିସ ଟେକ୍ସାସ ୟୁଏସ ପ୍ରତିଯୋଗୀତାରେ ଭାଗ ନେଇଥିଲେ। ଉଲ୍ଲେଖଥାଉ କି, ଏହି ପ୍ରତିଯୋଗିତାର ବିଜେତା ଆରିନା ୱେୟାର ଥିଲେ। ଜୁନ ୨୨ ରେ, ଆରିନା ୱେର୍‌ ମିସ ଟେକ୍ସାସ ୟୁଏସ  ହୋଇଥିଲେ ବିଜେତା। ଏଥି ସହିତ, ପ୍ରତିଯୋଗିତାର ଏକମାତ୍ର ଅଂଶଗ୍ରହଣକାରୀ ଟିଜୋ ସମସ୍ତଙ୍କ ଦୃଷ୍ଟି ଆକର୍ଷଣ କରିବାରେ  ହୋଇଥିଲେ ସଫଳ। ମିସ ଟେକ୍ସାସ ୟୁଏସଏରେ ପ୍ରତିଦ୍ୱନ୍ଦ୍ୱିତା କରିବାକୁ ତେଇଜୋ ସବୁଠାରୁ ଅଧିକ ବୟସ ପ୍ରତିଯୋଗୀ ଭାବରେ  ସୃଷ୍ଟି କରିଥିଲେ ଇତିହାସ। ମରିସା ତେଇଜୋ କହିଛନ୍ତି, ‘ମୁଁ ପ୍ରତିଯୋଗୀ ଭାବରେ ମିସ ଟେକ୍ସାସ ୟୁଏସ ପ୍ରତିଯୋଗିତାରେ ଯୋଗ ଦେଇଥିଲି। ଏହା ମୋ ପାଇଁ ଏକ ଅବିଶ୍ୱସନୀୟ ନୂତନ ଅନୁଭୂତି ଥିଲା ଯେ ମୁଁ ଏଥିରେ ଅଂଶଗ୍ରହଣ କରି ବହୁତ ଖୁସି ଅଟେ। ଏହା କରିବା ଦ୍ୱାରା ମୁଁ ଶାରୀରିକ ଏବଂ ମାନସିକ ସ୍ତରରେ ବୟସ ଅଧିକ ଯୋଗୁ କିଛି କରିବାକୁ ଚାହୁଁଥିବା ମହିଳାମାନଙ୍କୁ ପ୍ରେରଣା ଦେଉଛି। ମୁଁ ସେମାନଙ୍କୁ ନୂତନ କାର୍ଯ୍ୟ କରିବାକୁ ପ୍ରେରଣା ଦେବାକୁ ଚାହୁଁଛି ଏବଂ ଲୋକଙ୍କୁ ବିଶ୍ୱାସ କରିବାକୁ ଚାହୁଁଛି ଯେ ସୌନ୍ଦର୍ଯ୍ୟ କୌଣସି ବୟସରେ କମିଯାଏ ନାହିଁ।’