ଭାରତର ମୁଖ୍ୟ କୋଚ ଗୌତମ ଗମ୍ଭୀର ତାଙ୍କ ହାତରେ ବ୍ୟାଟ

ଗାବା ଟେଷ୍ଟରେ ଟିମ ଇଣ୍ଡିଆର ଅବସ୍ଥା ଖରାପ । ମ୍ୟାଚ୍‌ର ତିନି ଦିନ ଶେଷ ହୋଇଛି ଏବଂ ଟିମ ଇଣ୍ଡିଆ ପଛରେ ପଡିଥିବା ଜଣାପଡିଛି। ଏହାପୂର୍ବରୁ ଭାରତୀୟ ଦଳର ବୋଲରମାନେ ଫ୍ଲପ ନଜର ଆସିଥିଲେ ଏବଂ ବ୍ୟାଟ୍ସମ୍ୟାନମାନେ ବିଫଳ ହୋଇଥିବା ଜଣାପଡିଛି। ଏହି ସମୟରେ ସାମାଜିକ ଗଣମାଧ୍ୟମରେ ଏକ ଭିଡିଓ ଭାଇରାଲ ହେବାରେ ଲାଗିଛି। ଏଥିରେ ଭାରତର ମୁଖ୍ୟ କୋଚ ଗୌତମ ଗମ୍ଭୀର ତାଙ୍କ ହାତରେ ବ୍ୟାଟ ଧରିଥିବାର ନଜର ଆସିଛନ୍ତି।ଚଳିତ ଟେଷ୍ଟରେ ବିରାଟ କୋହଲି, ଶୁଭମନ ଗିଲ ଏବଂ ରିଷଭ ପନ୍ତଙ୍କ ଭଳି ଦଳର ସମସ୍ତ ଷ୍ଟାର ବ୍ୟାଟ୍ସମ୍ୟାନ ଫ୍ଲପ ହୋଇଥିଲେ। ଭିଡିଓ ଦେଖି ସୋସିଆଲ ମିଡିଆରେ ଥଟ୍ଟା ଭାବରେ କୁହାଯାଉଛି, ଭାରତର ଖରାପ ବ୍ୟାଟିଂ ଦେଖିବା ପରେ ବର୍ତ୍ତମାନ ଗୌତମ ଗମ୍ଭୀର ନିଜେ ବ୍ୟାଟିଂ କରିବାକୁ ବାହାରିବେ। ଭିଡିଓରେ ଗୌତମ ଗମ୍ଭୀର ଡ୍ରେସିଂ ରୁମ ଭିତରେ ହାତରେ ବ୍ୟାଟ ଧରିଥିବାର ନଜର ଆସିଛନ୍ତି।