ପାକିସ୍ତାନକୁ ପାଣି ପିଆଇଲା ଇଂଲଣ୍ଡ

ଟି-୨୦ ବିଶ୍ୱକପ ୨୦୨୪ରେ ସଫଳତାର ଆଶା ନେଇ ପାକିସ୍ତାନ କ୍ରିକେଟ ବୋର୍ଡ ପୁନର୍ବାର ବାବର ଆଜମଙ୍କୁ କରିଛି ଦଳର ଅଧିନାୟକ ।ଅଧିନାୟକ ପଦରୁ ହଟାଯିବାର ମାତ୍ର ୫ ମାସ ପରେ ସେ ପୁଣି ଫେରି ଆସିଥିଲେ, କିନ୍ତୁ ପରିସ୍ଥିତି ପୂର୍ବ ପରି ରହିଛି ସମାନ। ପ୍ରଥମେ ଦ୍ୱିତୀୟ ପର୍ଯ୍ୟାୟ ନ୍ୟୁଜିଲାଣ୍ଡ ସହିତ ସିରିଜ ଡ୍ର, ତା’ପରେ କୌଣସି ପ୍ରକାରେ ଆୟର୍ଲାଣ୍ଡ ବିପକ୍ଷରେ ବିଜୟ ଏବଂ ବର୍ତ୍ତମାନ ଇଂଲଣ୍ଡ ବିପକ୍ଷ ପରାଜୟ ପାକିସ୍ତାନୀ ଦଳର ପ୍ରସ୍ତୁତିକୁ ପ୍ରକାଶ କରିଛି। ଲଣ୍ଡନରେ ଖେଳାଯାଇଥିବା ଶେଷ ଟି-୨୦ ମ୍ୟାଚରେ ଇଂଲଣ୍ଡ ପାକିସ୍ତାନକୁ ୭ ଉଇକେଟରେ ପରାସ୍ତ କରି ସିରିଜକୁ ୨-୦ରେ ଜିତି ନେଇଛି।ଚାରି ମ୍ୟାଚ ବିଶିଷ୍ଟ ସିରିଜର ଦୁଇଟି ମ୍ୟାଚ ବର୍ଷା ହେତୁ ଧୋଇ ହୋଇଯାଇଥିଲା ସମ୍ପୂର୍ଣ୍ଣ, ଯାହା ପାକିସ୍ତାନ ଏବଂ ଇଂଲଣ୍ଡର ପ୍ରସ୍ତୁତି ଉପରେ ପକାଇଥିଲା ପ୍ରଭାବ । ତଥାପି, ଡିଫେଣ୍ଡିଂ ଟି-୨୦ ବିଶ୍ୱକପ ଚାମ୍ପିୟନ ଇଂଲଣ୍ଡ, ବାକି ୨ଟି ମ୍ୟାଚ ଜିତି ପୁନର୍ବାର ଟାଇଟଲ ଜିତିବାକୁ ପ୍ରସ୍ତୁତ ବୋଲି ଦର୍ଶାଇଥିଲା। ଲଣ୍ଡନର ଓଭାଲରେ ଖେଳାଯାଇଥିବା ସିରିଜର ଶେଷ ମ୍ୟାଚ ଥିଲା ଏହାର ସର୍ବଶ୍ରେଷ୍ଠ ଉଦାହରଣ, ଯେଉଁଠାରେ ପ୍ରଥମେ ଇଂଲଣ୍ଡର ବୋଲରମାନେ ପାକିସ୍ତାନକୁ ଖରାପ କରିଦେଇଥିଲେ ଏବଂ ପରେ ବ୍ୟାଟ୍ସମ୍ୟାନ୍‌ମାନେ ସେମାନଙ୍କୁ ଜୋରରେ ପରାସ୍ତ କରି ହାସଲ କରିଥିଲେ ଏକ ସହଜ ବିଜୟ ।